చంద్రబాబు అరెస్ట్పై హరీష్ రావు సంచలన కామెంట్స్

స్కిల్ డెవలప్మెంట్ కేసులో టీడీపీ అధినేత చంద్రబాబు అరెస్ట్ ఏపీలో పెద్ద దుమారాన్నే రేపుతోంది. ప్రస్తుతం బాబు రాజమండ్రి సెంట్రల్ జైల్లో ఉన్నారు. బాబు అరెస్ట్పై టీడీపీ శ్రేణుల ఆందోళనలు కొనసాగుతున్నాయి. ఇవాళ రాత్రి 7గంటలకు మోత మోగిద్దాం కార్యక్రమానికి టీడీపీ పిలుపునిచ్చింది. ఇక ఇప్పటికే పలువురు ప్రముఖులు చంద్రబాబు అరెస్ట్ను ఖండించారు. ఈ క్రమంలో బాబు అరెస్ట్పై మంత్రి హరీష్ రావు ఆసక్తికర వ్యాఖ్యలు చేశారు.

చంద్రబాబును అరెస్ట్ చేయడం దురదృష్టకరమని మంత్రి హరీష్ రావు అన్నారు. ఈ వయసులో ఆయన్ను అరెస్ట్ చేయడం సరికాదన్నారు. ఒకప్పుడు ఐటీ గురించి మాట్లాడిన చంద్రబాబు... ఇప్పుడు తెలంగాణ రాష్ట్రం సాధించిన అభివృద్ధిని కూడా ప్రశంసించారని గుర్తు చేశారు. తెలంగాణలో ఎకరం అమ్మితే ఆంధ్రప్రదేశ్‌లో 100 ఎకరాలు తీసుకోవచ్చని చెప్పారని అన్నారు. కేసీఆర్ పాలన బాగుంది కాబట్టే చంద్రబాబు ఆ మాట అన్నారని చెప్పారు. హరీష్ వ్యాఖ్యలపై టీడీపీ శ్రేణులు హర్షం వ్యక్తం చేస్తున్నారు.