మైనార్టీలకు రూ.లక్ష సాయం.. అప్లై చేసుకోండిలా

బీసీలకు ఇచ్చినట్లుగానే.. మైనార్టీలకు ఆర్థిక సాయం అందించేందుకు ప్రభుత్వ నిర్ణయించుకుంది. ఆర్థికంగా వెనుకబడిన మైనార్టీలకు పూర్తి సబ్సిడీతో రూ. లక్ష సాయం చేయనున్నట్లు ప్రకటించిన విషయం తెలిసిందే. దీనికి సంబంధించి అధికారులు కీలక అప్డేట్ ఇచ్చారు. ఈ పథకానికి సంబంధించిన దరఖాస్తులు జూలై 31 నుంచి స్వీకరిస్తున్నట్లు తెలిపారు. దరఖాస్తుకు చివరి తేది ఆగస్టు 14గా నిర్ణయించారు. పథకానికి అర్హులైన వాళ్లు https: //tsobmmsbc.cgg.gov.in వెబ్ సైట్ ద్వారా ఆన్ లైన్ అప్లై చేసుకోవచ్చని వివరించారు.

ఆర్థిక సాయం మార్గదర్శకాలు:

* ముస్లింలకు మైనార్టీ ఆర్థిక సహకార సంస్థ నుంచి, ఇతర మైనార్టీలకు క్రిస్టియన్ మైనార్టీ కార్పొరేషన్ ద్వారా సాయం అందజేస్తారు.

* తీసుకున్న ఆర్థిక సాయం.. పనిముట్లు, ముడిసరుకు కొనుగోలుకే అనుమతి.

* ఈ పథకానికి 21 నుంచి 55 ఏళ్ల లోపు వారు అర్హులు. అంతేకాకుండా ఈ పథకం కుటుంబంలో ఒక్కరికే వర్తిస్తుంది.

* వార్షిక ఆదాయం గ్రామాల్లో ఉన్నవారికి రూ.1.50 లక్షలు, పట్టణాల్లో నివసించేవారికి రూ.2 లక్షలు మించి ఉండరాదు.

* కలెక్టర్ల నేతృత్వంలోని జిల్లా మానిటరింగ్, స్క్రీనింగ్ కమిటీ ద్వారా లబ్ధిదారుల ఎంపిక జరుగుతుంది. ఎంపిక చేసిన జాబితా జిల్లా మంత్రుల ఆమోదం పొందాలి.