BRS party : బీఆర్ఎస్ పార్టీకి అక్రమంగా 11 ఎకరాలు..! హైకోర్ట్లో పిటిషన్

బీఆర్ఎస్ పార్టీకి అక్రమంగా 11 ఎకరాలు కేటాయించారని అప్పటి ప్రభుత్వంపై హైకోర్ట్ లో పిటిషన్ వేశారు. కోకాపేటలో బీఆర్ఎస్ కు 11 ఎకరాల భూమిని అప్పటి ప్రభుత్వం కేటాయించడాన్ని సవాలు విసురుతూ.. లాయర్ వెంకటరామి రెడ్డి ఈ పిటిషన్ దాఖలు చేశారు. కోకాపేటలోని సర్వే నంబర్ 239, 240లను బీఆర్ఎస్ కు కేటాయించడంలో పారదర్శకత, న్యాయబద్ధత జరగలేదని ఆయన పిటిషన్ లో తెలిపారు. ప్రామాణిక టెండర్ ప్రక్రియను అనుసరించకుండా.. బహిరంగంగా చెప్పకుండా భూకేటాయింపు జరిపారని ఆయన ఆరోపించారు.

ఈ భూవి విలువ మార్కెట్ లో రూ.50 కోట్లకు పైగా ఉంటుందని, కానీ రూ.3 కోట్ల 1 లక్షల 25 వేలకే బీఆర్ఎస్ పార్టీకి అప్పగించారని పిటిషన్ లో పేర్కొన్నారు. ఫోరమ్ ఫర్ గుడ్ గవర్నెన్స్ కూడా హైకోర్ట్ లో ఇదే రకమైన పిటిషన్ ను దాఖలు చేసింది. ప్రస్తుతం ఈ కేసుపై తీర్పు పెండింగ్ లో ఉంది. ఎన్జీవో దాఖలు చేసిన పిల్ పై స్పందిస్తూ.. కోర్ట్ పార్టీకి నోటీసులు జారీ చేసింది.