Modi Tour: ప్రధాని మోడీ తెలంగాణ పర్యటనలో మళ్లీ మార్పు
ప్రధాని నరేంద్ర మోడీ తెలంగాణ పర్యటనలో స్వల్ప మార్పు జరిగింది. ముందుగా నిర్ణయించిన షెడ్యూల్ ప్రకారం సెప్టెంబరు 30న ఆయన రాష్ట్రానకి రావాల్సి ఉంది. అయితే సెప్టెంబర్ 30న కాకుండా అక్టోబరు 1న మోడీ రాష్ట్రానికి రానున్నారు. మహబూబ్‌నగర్‌ జిల్లా భూత్పూర్‌లో నిర్వహించే బహిరంగ సభలో మోడీ పాల్గొననున్నారు.
వాస్తవానికి అక్టోబర్ 2న మోడీ సభ ఉంటుందని వార్తలు వచ్చాయి. అయితే షెడ్యూల్ కొంచెం ముందుకు జరిగిందని, సెప్టెంబర్ 30న ఆయన రాష్ట్రానికి వస్తారని వార్తలు వచ్చాయి. తాజాగా మరోసారి మోడీ టూర్ షెడ్యూల్లో మార్పు జరిగినట్లు తెలుస్తోంది. అక్టోబర్ 1 మధ్యాహ్నం 12 గంటలకు ప్రధాని మోడీ సభ వేదిక వద్దకు చేరుకున్నారు.
ప్రధాని మోడీ సభ విజయవంతం చేసేందుకు బీజేపీ శ్రేణులు భారీగా ఏర్పాట్లు చేస్తున్నారు. మోడీ సభ బీజేపీ అసెంబ్లీ ఎన్నికల శంఖారావమని బీజేపీ రాష్ట్ర నేతలు అంటున్నారు. సభను ప్రతిష్టాత్మకంగా తీసుకున్న బీజేపీ నేతలు.. లక్ష మందికి పైగా జనసమీకరణ చేసేందుకు ప్లాన్ చేస్తున్నారు. పార్టీ రాష్ట్ర నేతలు జితేందర్ రెడ్డి, ఆచారి మీటింగ్ పనులను పర్యవేక్షిస్తున్నారు. మోడీ పర్యటన అనంతరం కేంద్ర హోంమంత్రి అమిత్‌ షా, బీజేపీ జాతీయ అధ్యక్షుడు జె.పి.నడ్డాలతోనూ బహిరంగ సభలను ఏర్పాటు చేయాలని బీజేపీ నిర్ణయించారు.
