రేవంత్ రెడ్డిని గెలిపించింది నేనే.. కేఏ పాల్

తెలంగాణ అసెంబ్లీ ఎన్నికల్లో కాంగ్రెస్ విజయంపై ప్రజాశాంతి పార్టీ అధ్యక్షుడు కేఏ పాల్ ఎప్పట్లాగే ఆసక్తికరమైన వ్యాఖ్యలు చేశారు. రేవంత్ రెడ్డిని తనే గెలిపించినట్లు చెప్పుకొచ్చారు. ఈవీఎంలు మార్చి గోల్ మాల్ చేయండా తను ఎన్నికల సంఘంపై తీవ్రంగా ఒత్తిడి తీసుకురావడం వల్లే రేవంత్ రెడ్డి విజయం సాధ్యమైందని అన్నారు. ఆయన శుక్రవారం విశాఖపట్నంలో విలేకర్లతో మాట్లాడారు. తెలంగాణాలో కాంగ్రెస్ ఆచూకీ లేకుండా పోతుందని అందరూ భావించినా అదే గెలుస్తుందని తను చెప్పానన్నారు.

‘‘ఎన్నికలప్పుడు డీజీపీగా ఉన్న అంజన్ కుమార్ ఈవీఎంల విషయంలో చాలా కఠినంగా వ్యవహరించారు. అందుకే ఆయనను సస్పెండ్ చేశారు. అలాంటి వాళ్లను రేవంత్ రెడ్డి కాపాడుకోవాలి. అంజన్ కుమార్‌ను రేవంత్ తన ప్రధాన సలహాదారుగా నియమించుకోవాలి’’ అని సలహా పాల్ ఇచ్చారు. తాను శపించడం వల్లే బీఆర్ఎస్ ఓడిపోయిందని కేఏ పాల్ ఎన్నికల ఫలితాలు రోజు చెప్పారు. తను వచ్చే లోక్ సభ ఎన్నికల్లో విశాఖపట్నం నుంచి పోటీ చేస్తున్నానని, విజయం తనదేనని అన్నారు.