హైదరాబాద్ ఈసీఐఎల్ స్పెషల్.. పాము సాంబార్

టైటిల్ చూసి షాక్ అయ్యారా? పాము సాంబార్ డిష్‎ను రుచి చూసేందుకు రెడీ అయ్యారా. అయితే మీరు అనుకున్నట్లు ఇదేదో కొత్త రకం వంటకం మాత్రం కాదు సుమా. హైదరాబాద్‎లో ఓ క్యాంటీన్ నిర్వాహకుల నిర్లక్ష్యానికి నిలువుటద్దం అని చెప్పక తప్పదు. ఇప్పటివరకు హాస్టళ్లలోని మెస్‎లలో , హోటల్స్‎లో అందించే వంటకాల్లో బల్లులు, పురుగులు, బొద్దింకలు పడటం వినుంటాం..చూసుంటాం..కానీ ఈసీఐఎల్ లాంటి పెద్ద కంపెలోని క్యాంటీన్‏లో వడ్డించే సాంబార్‎లో ఒక్కసారిగా పాము పిల్ల కనిపించడంతో సిబ్బంది మొత్తం షాక్‎లో పడిపోయింది. పాము ఎక్కడి నుండి వచ్చిందని ఉద్యోగులు ఆందోళన చెందుతున్నారు. ఇప్పుడు ఇదే హాట్ టాపిక్‎గా మారింది. సాంబార్‎లో పాము ప్రత్యక్షం కావడంపై రకరకాల వాదనలు వినిపిస్తున్నాయి.

ఈ షాకింగ్ సంఘటన ఈసీఐఎల్ కంపెనీలో శుక్రవారం మధ్యాహ్నం వెలుగులోకి వచ్చింది. మధ్యాహ్నం లంచ్ కోసం ఏర్పాటు చేసిన సాంబారులో పాము పిల్ల చనిపోయింది. ఈ విషయం తెలియక అప్పటికే చాలా మంది సాంబార్ తిన్నారు. దీంతో పలువులు ఉద్యోగులు తీవ్ర అస్వస్థతకు గురయ్యారు. అప్రమత్తమైన

సిబ్బంది వారిని స్థానికంగా ఉన్న హాస్పిటల్‎కు తరలించారు. అయితే పాము పిల్ల వంటకాల్లో కనిపించడంతో ఎంప్లాయిస్ అవాక్కయ్యారు. ఇదే అంశంపై క్యాంటీన్ నిర్వహకులు విస్తుపోతున్నారు.