తెలంగాణలో జరిగిన ఆ దుర్ఘటనపై స్మితా సబర్వాల్ స్పందించాలి : ఎమ్మెల్యే రఘునందన్ రావు
తెలంగాణ సీనియర్ ఐఏఎస్ అధికారి స్మితా సబర్వాల్ సోషల్ మీడియాలో చాలా యాక్టివ్గా ఉంటారు. మహిళలపై జరిగే అఘాయిత్యాలపై సోషల్ మీడియా వేదికగా తన గొంతును వినిపిస్తుంటారు స్మితా. తాజాగా మణిపూర్లో జరుగుతున్న హింసాకాండపైన రియాక్ట్ అయ్యారు. ఇద్దరు మహిళలను నగ్నంగా ఊరేగించిన ఘటనపై ఆమె ట్విటర్ వేదికగా ఆవేదనను వ్యక్తం చేశారు. ఈ ట్వీట్తో మరోసారి టాక్ ఆఫ్ ది టౌన్గా మారారు స్మితా సబర్వాల్. సోషల్ మీడియాలో ఆమె చేసిన తాజా పోస్ట్ ఇప్పుడు చర్చనీయాంశంగా మారింది. మణిపూర్ ఘటనపై స్పందించిన సబర్వాల్కు తాజాగా బీజేపీ ఎమ్మెల్యే రఘునందన్ రావు కౌంటర్ ఇచ్చారు. నల్గొండ జిల్లాలో దళిత మహిళపై ఓ సర్పంచ్ చేసిన దాడి గురించి స్పందించాలని ట్విటర్ వేదికగా ఆమెను డిమాండ్ చేశారు. బీజేపీ పాలిత రాష్ట్రాల్లో జరిగే ఘటనలపై వెంటనే స్పందిస్తూ మీరు ట్వీట్లు పెడతారు. ఇప్పుడు మీరు ఉన్న తెలంగాణలో జరిగిన ఈ దుర్ఘటనపై కూడా రియాక్ట్ కావాలని మేము కోరుకుంటున్నాం అని రఘునందన్ రావు ట్వీట్ చేశారు.
రఘునందన్ రావుతో పాటు కొంత మంది నెటిజన్లు సైతం ఈ అంశాంపై స్మితా సబర్వాల్ స్పందన ఏంటని ప్రశ్నిస్తున్నారు. అంతే కాదు స్మిత సబర్వాల్ వ్యవహారం పక్కా రాజకీయ నాయకురాలిగా ఉందని ఆరోపిస్తున్నారు. తెలంగాణలో జరిగిన ఈ దారుణమైన ఘటనపై ఎందుకు నోరుమెదపడంలేదని ఆమెపై నెటిజన్లు సెటైర్లు వేస్తున్నారు. తెలంగాణలో మహిళలపై జరుగుతున్న దారుణాలు మీకు కనిపించడం లేదా అని నిలదీస్తున్నారు. మరి తాజా విమర్శలపై స్మితా సబర్వాల్ ఎలాంటి రిప్లై ఇస్తారో మాత్రం వేచి చూడాల్సిందే.
బిజెపి పాలిత రాష్ట్రాల ఘటనలపై సత్వరమే స్పందిస్తూ ట్విట్లు పెట్టే @SmitaSabharwal గారు మీరు బాధ్యతలు నిర్వర్తిస్తున్న తెలంగాణ రాష్ట్రంలో జరిగిన ఈ దుర్ఘటనపై కూడా స్పందించాలని కోరుకుంటున్నాం pic.twitter.com/AdF71bwuQ7
— Raghunandan Rao Madhavaneni (@RaghunandanraoM) July 24, 2023
