స్పీకర్ పోచారం శ్రీనివాస్ రెడ్డికి తప్పిన పెను ప్రమాదం

తెలంగాణ రాష్ట్ర స్పీకర్ పోచారం శ్రీనివాస్ రెడ్డికి పెను ప్రమాదం తప్పింది. కామారెడ్డి జిల్లా బాన్సువాడ అంబేద్కర్ చౌరస్తాలో ఈ ప్రమాదం జరిగింది. స్పీకర్ కాన్వాయ్ ల్లోని ఓ పోలీస్ కారును వేగంగా వచ్చిన లారీ బలంగా ఢీ కొట్టింది. దీంతో ఆ కారు నుజ్జు నుజ్జయింది. ప్రమాదానికి గురైన కారును బాంబ్ డిస్పోజల్ పోలీస్ వెహికల్ గా గుర్తించారు. అయితే, ఈ ప్రమాదంలో ఎటువంటి ప్రాణహాని జరుగలేదు. పలువరు పోలీసులకు స్వల్ప గాయాలయ్యాయి. యాక్సిడెంట్ చేసిన లారీ డ్రైవర్ ఘటనా స్థలం నుంచి పారిపోయాడు. లారీని సీజ్ చేసిన పోలీసులు.. ఈ ఘటనపై కేసు నమోదు చేసి దర్యాప్తు చేస్తున్నారు.