అమరవీరుడు శ్రీకాంత చారి తల్లికి ఎమ్మెల్సీ పదవి..?
తెలంగాణ మలిదశ పోరాట తొలి అమరుడు శ్రీకాంతా చారి కుటుంబానికి గౌరవం దక్కనుంది. అమరవీరుల కుటుంబాన్ని అండగా ఉండేది బీఆర్ఎస్ ప్రభుత్వమేనని కేసీఆర్ మరోసారి చాటి చెప్పారు. శ్రీకాంత్ చారి తల్లి కాసోజు శంకరమ్మకు ఎమ్మెల్సీ పదవి ఇవ్వనున్నట్లు సమాచారం. ఈ మేరకు శంకరమ్మకు సీఎం కేసీఆర్ నుంచి పిలుపు వచ్చినట్లు తెలుస్తోంది. తెలంగాణ దశాబ్ది ఉత్సవాల ముగింపు రోజు జూన్ 22 న ట్యాంక్బండ్పై నిర్మించిన అమరవీరుల స్మారక చిహాన్ని సీఎం కేసీఆర్ ప్రారంభించనున్నారు. తర్వాత భారీ బహిరంగ సభ లో పాల్గొంటారు. ఈ సభలోనే అమరవీరుడు అయిన శ్రీకాంతాచారి తల్లికి పదవిని ప్రకటించే అవకాశాలు ఉన్నాయి. ఇందులో భాగంగా శంకరమ్మకు ఓ పీఏ, గన్ మెన్గా ఓ కానిస్టేబుల్తో పాటు ఆమెకు ప్రభుత్వ వెహికల్ కేటాయించినట్లు వార్తలు వస్తున్నాయి. గురువారం నుండి పూర్తిగా అందుబాటులో ఉండాలని ఆమెకు అధికారులు సూచించినట్లు తెలుస్తోంది.
