రేపు సీఎంగా రేవంత్ ప్రమాణం.. కేసీఆర్ రాజీనామా..

తెలంగాణ కొత్త ముఖ్యమంత్రిగా కాంగ్రెస్ రాష్ట్ర అధ్యక్షుడు రేవంత్ రెడ్డి సోమవారం ప్రమాణ స్వీకారం చేయనున్నారు. ఎల్బీ స్టేడియంలో దీనికి సంబంధించిన ఏర్పాట్లు సాగుతున్నాయి. ఉదయం రేవంత్‌ను కలుసుకున్న డీజీపీ అంజనీ కుమార్ ఈ ఏర్పాట్లు చూస్తున్నారు. సీఎం ఎవరో కాంగ్రెస్ చెప్పకున్నా రేవంత్ రెడ్డీ ఆ పదవి చేపట్టనున్నారు. మరోపైపు కేసీఆర్ సీఎం పదవికి రాజీనామా చేశారు. రాజీనామా పత్రాన్ని గవర్నర్ తమిళిసై సౌందరరాజన్‌కు పంపారు. రెండు చోట్ల పోటీ చేసిన కేసీఆర్ గజ్వేల్‌లో గెలిచి, కామారెడ్డిలో మూడో స్థానంతో సరిపెట్టుకున్నారు.