అత్తింటి వేధింపులకు గర్భిణీ బలి.. కొడుకుతో సహా...

గర్భంలో శిశువు.. పక్కన నాలుగేళ్ల కొడుకు.. అయినా ఆమె ఘోర నిర్ణయం తీసుకుంది. తనకు భవిష్యత్ లేదనుకుని.. కొడుకు భవిష్యత్ను కూడా తనతోనే తీసుకెళ్లింది. తాను పోతే కొడుకుని ఎవరు చూసుకుంటారో అని అనుకుందో ఏమో.. కొడుకుకు ఊరేసి.. ఆ తర్వాత తాను ఆత్మహత్య చేసుకుంది. గుండెల్ని పిండేసే ఈ ఘటన హైదరాబాద్లోని ఫిల్మ్ నగర్లో జరిగింది.

ఫిల్మ్‌నగర్‌లో నివాసం ఉంటున్న విశ్వనాథ్, శిరీష దంపతులకు మూడేళ్ల క్రితం వివాహమైంది. వీరికి రెండేళ్ల కొడుకు మనీష్ ఉన్నాడు. అయితే గతకొంత కాలంగా శిరీషను అత్తింటివారు వేధిస్తున్నట్లు సమాచారం. ఈ క్రమంలో శిరీష మరోసారి గర్భం దాల్చింది. కడుపుతో ఉన్న ఆమె ఈ వేధింపులను తట్టుకోలేకపోయింది. ఈ క్రమంలోనే గత రాత్రి కఠిన నిర్ణయం తీసుకుంది.

ముందుగా తన కొడుకుకు ఉరేసింది. ఆ తర్వాత తాను కూడా ఫ్యానుకు ఉరేసుకొని ప్రాణాలు కోల్పోయింది. విషయం తెలుసుకున్న పోలీసులు ఘటనా స్థలానికి చేరుకున్నారు. మృతదేహాలను పరిశీలంచి పోస్టుమార్టం నిమిత్తం ఆసుపత్రికి తరలించారు. ఘటనపై కేసు నమోదు చేసుకొని విచారణ చేపట్టారు.