తెలంగాణలో నిలిచిపోయిన వాహనాల రిజిస్ట్రేషన్లు

తెలంగాణలో కొత్త వాహనాల రిజిస్ట్రేషన్లు నిలిచిపోయాయి. రవాణా శాఖ సర్వర్‌ డౌన్‌ కావడంతో ఉదయం నుంచి ఆర్టీఏ ఆఫీసుల్లో కార్యకలాపాలు నిలిచిపోయాయి. ఆర్టీఏ వెబ్‌సైట్‌లో ఎలాంటి వివరాలు కనిపించకపోవడం రాష్ట్రవ్యాప్తంగా కొత్త వాహనాల రిజిస్ట్రేషన్లలో ఇబ్బంది తలెత్తింది. దీంతో రాష్ట్రంలోని అన్ని ఆర్టీఓ ఆఫీసుల వద్ద రిజిస్ట్రేషన్ల కోసం వాహనదారులు పడిగాపులు కాస్తున్నారు.

వాహనాల రిజస్ట్రేషన్ కోసం స్లాట్ బుక్‌ చేసుకున్న వాహనదారులు తీవ్ర ఇబ్బందులు ఎదుర్కొంటున్నారు. సర్వర్‌లో సాంకేతిక సమస్య తలెత్తడం వల్లే ఈ పరిస్థితి ఎదురైందని అధికారులు అంటున్నారు. టెక్నికల్ టీమ్ సర్వర్‌లో ఏర్పడిన ఇబ్బందిని పరిష్కరించేందుకు ప్రయత్నిస్తోంది. వీలైనంత తొందరగా సమస్యను పరిష్కరించి సేవల్ని పునరుద్ధరిస్తామని చెప్పింది.