అరగంట జర్నీ ఇక ఐదు నిమిషాల్లో.. స్టీల్ బ్రిడ్జ్ ప్రారంభం అప్పుడే..

హైదరాబాద్ కు తలమానికంగా నిలువనున్న ఇందిరాపార్క్- వీఎస్టీ స్టీల్ బ్రిడ్జ్ నిర్మాణం పూర్తయింది. ఇందిరా పార్క్ నుంచి ఆర్టీసీ క్రాస్ రోడ్స్, అశోక్ నగర్ మీదుగా వీఎస్టీ జంక్షన్ వరకు నిర్మించి అతి పొడవైన స్టీల్ బ్రిడ్జ్ నిర్మించింది తెలంగాణ రాష్ట్ర ప్రభుత్వం. కాగా, ఈ బ్రిడ్జ్ ను ఆగస్టు 19న ప్రారంభించనున్నట్లు మంత్రి కేటీఆర్ ట్విట్టర్ వేదికగా ప్రకటించారు. దాదాపు రూ.450 కోట్లతో 2.6 కిలోమీటర్ల పొడవున్న ఈ స్టీల్ బ్రిడ్జ్ వల్ల ట్రాఫిక్ జామ్ తగ్గుతుంది. అరగంట పాటు పట్టే జర్నీ కేవలం ఐదు నిమిషాల్లో పూర్తవుతుందని కేటీఆర్ అన్నారు. కాగా, బ్రిడ్జ్ కు దివంగత నేత నాయిని నర్సింహా రెడ్డి పేరు పెట్టాలని ప్రభుత్వం నిర్ణయించింది.

నాయిని పేరు:

రాష్ట్ర తొలి హోంమంత్రిగా, ముషీరాబాద్ ఎమ్మెల్యేగా, వీఎస్టీ వర్కర్స్ యూనియన్ నేతగా అందించిన సేవలకుగానూ.. వీఎస్టీ స్టీల్ బ్రిడ్జ్ కు నాయిని నర్సింహారెడ్డి పేరు పెట్టాలని సీఎం కేసీఆర్ ఆదేశించారు. ఈ స్టీల్ బ్రిడ్స్ నిర్మాణానికి 2020 జులై 10న శంఖుస్థాపన జరుగగా.. 2021 జనవరిలో పనులు ప్రారంభమయ్యాయి. 2.6 కిలోమీటర్ల పొడవున్న ఈ స్టీల్ బ్రిడ్జ్ లో మొత్తం 81 స్టీల్ పిల్లర్లు, 46 పైల్ ఫౌండేషన్లు ఉన్నాయి. నాలుగు లేన్లుగా నిర్మించిన దీంట్లో 426 గర్డర్లు ఉన్నాయి. ఈ వంతెన నిర్మాణం వల్ల ఇందిరాపార్క్, ఎన్టీఆర్ స్టేడియం, అశోక్ నగర్, మూవీ థియేటర్ జంక్షన్ ఆర్టీసీ క్రాస్ రోడ్, బస్ భవన్, వీఎస్టీ వరకుండే ట్రాఫిక్ జామ్ సమస్య తీరిపోనుంది.

Happy to be resolving the decades old longstanding problem of traffic congestion at RTC X Roads, Ashok Nagar and VST junctions

Will be inaugurating a new Flyover/Steel Bridge on 19th August. Built at a cost of ₹450 Crore this 2.63 KM long steel bridge was built by GHMC under… pic.twitter.com/UkDOOSvXS1

— KTR (@KTRBRS) August 17, 2023