పిల్లల కాళ్లకు చెప్పులు తొడిగిన హీరోయిన్
సమాజానికి ఉపయోగపనులు చేస్తూ, చిన్న చిన్న సేవా కార్యక్రమాల్లో పాల్గొంటూ సినీ నటులు అందర ప్రశంసలు అందుకుంటున్నారు. ఇటీవల బాలీవుడ్ నటి అలియా భట్ ఓ వ్యక్తికి తన చేతితో చెప్పు అందించిన వార్తల్లోకెక్కింది. ఇప్పుడా విషయం మరవకముందే.. మరో హీరోయిన్ మంచి మనసు చాటుకుంది. ‘నేల టిక్కెట్టు’ సినిమాతో తెలుగు ప్రేక్షకులకు పరిచయమైన నటి మాళవిక శర్మ తన చేతులతో స్కూల్ పిల్లలకు చెప్పులు తొడుగుతు కనిపించింది. ఇప్పుడా వీడియో సోషల్ మీడియాలో వైరల్ అవుతుంది.
రాజస్థాన్ లోని దేవ్ గడ్ లో ఉన్న దాదాపు 40 పాఠశాలలకు దేవ్ శ్రీ ఛారిటబుల్ ట్రస్ట్ సేవలు అందిస్తోంది. ఆ ట్రస్ట్ సపోర్ట్ తో చాలా స్కూళ్లను సందర్శించిన మాళవిక.. విద్యార్థులకు అవసరమయ్యే సాయం చేస్తోంది. ఈ క్రమంలో పేద విద్యార్థులకు చెప్పులు దానం చేసింది. ఈ వీడియోను తన ఇన్ స్టాగ్రామ్ లో పోస్ట్ చేసి మీరు కూడా స్కూల్ పిల్లలకు అవసరమైన సాయం చేయండని తెలిపింది.
