దోస్త్ కాలు తినేసిన మొసలి...వీడియో వైరల్

సృష్టిలో ఒక జీవి మరొక జీవి మధ్య గొడవ జరగడం కామన్. కానీ ఒకదానిని మరొకటి తినేయడం చాలా అరుదు. ఎక్కడో ఇలాంటి ఘటనలు జరుగుతుంటాయి. మొసళ్లు మాత్రం ఆకలికి ఆగలేక వాటి పిల్లలను, మిగతా మొసళ్లను కూడా తినేస్తాయి. తాజాగా ఇలాంటి ఘటనే కళ్ళకు కనిపించింది. ఓ మొసలి మరో మొసలి కాలు తినేసిన వీడియో సోషల్ మీడియాలో వైరల్ అవుతోంది.

ఓ అటవీప్రాంతంలో కొన్ని మొసళ్లు కలిసి ఆడుకుంటున్నాయి. నీటిలో కాకుండా ఓ ఒడ్డు ప్రాంతంలో ఉన్నాయి. అవి చాలా ఆకలితో ఉన్నట్లు కనిపిస్తోంది. ఈ క్రమంలోనే ఓ మొసలి కాలును మరో మొసలి కొరికేసింది. కాలు చివరను తన పళ్లుతో నోటిలోకి లాగేసి నమిలి మింగేసింది. ఈ దృశ్యం చూసేందుకు చాలా భయంకరంగా ఉంది. ఈ వీడియోను వైల్డ్‌లైఫ్011 పేరుతో ఇన్‌స్టాగ్రామ్‌లో షేర్ చేయగా వైరల్‎గా మారింది. జంతువు తన జాతికి చెందిన జంతువు కాలు కొరికి తినడం చాలా అరుదుగా కనిపిస్తుంది.