ఢిల్లీ మెట్రో సిత్రాలు.. యువజంటకు బామ్మ ఝలక్

ఢిల్లీ మెట్రో.. ప్రయాణికుల విచిత్ర పనులతో తరుచూ వార్తల్లో ఉంటుంది. ప్రయాణికుల వింత చేష్టలు, ప్రేమ ముద్దులు, కొట్లాటలు, రీల్స్ వంటి వాటితో వార్తల్లో నిలుస్తుంది. ఢిల్లీ మెట్రో హెచ్చరించినా.. ప్రయాణికులు మాత్రం తగ్గేదేలే అంటున్నారు. తాజాగా ఓ యువజంట చేసిన పనికి బామ్మకు కోపం వచ్చింది. దీంతో వారిపై అగ్గిమీద గుగ్గిలం అయ్యింది. ప్రస్తుతం ఈ వీడియో సోషల్ మీడియాలో వైరల్గా మారింది.

ఢిల్లీ మెట్రోలో ప్రయాణికులు కిక్కిరిసిపోయారు. కిటకిటలాడుతున్న ఓ బోగీలో ఓ పెద్దావిడ నిల్చోగా.. ఆమెకు ఎదురుగా యువ జంట నిల్చుంది. సందు దొరికినప్పుడుల్లా యువజంట చేసే పనులు బామ్మకు చిరాకు తెప్పించాయి. బోగీ నిండా ప్రయాణికులు ఉన్నప్పటికీ బుగ్గలు గిల్లుకుంటూ, కౌగిలించుకుంటూ యువజంట వారి పనిలో వారున్నారు. ఇదంతా చూసి ఆ బామ్మ ఒక్కసారిగా వారిపై విరుచుకపడింది.

‘‘గంట నుంచి చూస్తున్నా..మెట్రోలో ఏం పనులివి.. ఇలాంటివి బయటకు వెళ్లాక చేస్కోండి.. ఇంత మంది ప్రయాణిస్తున్న మెట్రో రైలులో కాదు’’ అని ఆ బామ్మ గట్టిగా అరిచింది. దీంతో ఆ యువజంట షాకైంది. చుట్టుపక్కల ఉన్నవారు కూడా యువజంట తీరుపై అసహనం వ్యక్తం చేశారు. ప్రస్తుతం ఈ వీడియో సోషల్ మీడియాలో వైరల్గా మారింది.

Kalesh b/w a Aunty and a Couple inside Delhi metro over couple were hugging each other inside metro pic.twitter.com/QUkGMtoq4T

— Ghar Ke Kalesh (@gharkekalesh) September 6, 2023