Chandrayaan 3 : వెలుగులోకి వచ్చిన మరో సీక్రెట్..చంద్రయాన్ 3 సక్సెస్కు కారణం ఇవే
చంద్రుడి దక్షిణ ధృవంపై అడుగుపెట్టిన తొలి దేశం భారత్ చరిత్ర సృష్టించింది. జాబిల్లి ఉపరితల అన్వేషణలో ఇస్రో అద్భుత విజయం సాధించింది. చంద్రయాన్ 3 ప్రయోగంలో భాగంగా విక్రమ్ ల్యాండర్ చంద్రునిపై కాలు మోపిన మరుక్షణం దేశమంతా సంబరాల్లో మునిగిపోయింది. చందమామపై భారత జెండా ఎగరేసేందుకు శ్రమించిన ఇస్రో సైంటిస్టుల ఆనందానికి సైతం అవధుల్లేకుండా పోయింది. ప్రపంచంలో ఏ దేశానికీ సాధ్యం కాని లక్ష్యాన్ని చేరుకుని అందరి చూపు భారత్పై పడేలా చేసింది ఇస్రో . శాస్త్రవేత్తల కృషికి దేశ, విదేశాల నుంచి అభినందనలు వెల్లువెత్తాయి. ఈ క్రమంలోనే చంద్రయాన్ 3 విజయం వెనకాల ఉన్న మరో సీక్రెట్ తాజాగా వెలుగులోకి వచ్చింది. ఈ సక్సెస్ వెనకాల మసాలా దోశ, ఫిల్టర్ కాఫీ ఉన్నట్లు పలు నివేదికలు చెబుతున్నాయి. వినడానికి విచిత్రంగా, వింతగా ఉన్నప్పటికీ ఇదే వాస్తవమని కొన్ని నేషనల్ పత్రికలు కథనాలను ప్రచురిస్తోంది. తాజాగా ఇదే అంశంలో వాషింగ్టన్ పోస్ట్ ఒక కథనాన్ని ప్రచురించింది. దీంతో ఈ విషయం హాట్ టాపిక్గా మారింది.
వాషింగ్టన్ పోస్ట్ ఒక కథనం ప్రకారం.. చంద్రయాన్ 3 సక్సెస్లో మసాలా దోశ, ఫిల్టర్ కాఫీలు ప్రముఖ పాత‍్ర పోషించిందని ఇస్రో శాస్త్రవేత్తల నుంచి సేకరించిన సమాచారంతో ఓ ఆసక్తికరమైన కథనాన్ని ప్రచురించింది. ఈ విషయమై చంద్రయాన్ 3 ప్రాజెక్టు సైంటిస్ట్ వెంకటేశ్వర శర్మ తన అనుభవాలను తెలిపారు. " ఇంతటి ప్రతిష్టాత్మకమైన ప్రయోగాన్నిఎలాంటి బ్రేక్ ఇవ్వకుండా నిర్విరామంగా చేసేందుకు శాస్త్రవేత్తలకు సహనంతో పాటు శక్తి కావాలి. అందుకే ప్రతి రోజు సాయంత్రం 5 గంటలకు శాస్త్రవేత్తలతో పాటు ఇస్రో స్టాఫ్కు మసాలా దోశ, ఫిల్టర్ కాఫీని సర్వ్ చేశాం. వీటి కారణంగానే అందరూ ఎంతో ఇష్టంగా అదనపు గంటలు చంద్రయాన్ 3 మిషన్ కోసం పనిచేశారు"అని శర్మ తెలిపారు.
చంద్రయాన్ 3 తో అంతరిక్ష రంగంలో అద్భుత విజయాన్నిసాధించింది ఇస్రో. జాబిల్లి ఉపరితలంపై సాఫ్ట్గా ల్యాండ్ అయిన విక్రమ్ ల్యాండర్ చంద్రుణిపై అన్వేషణలో మునిగిపోయింది. ఇస్రోకు నిత్యం లేటెస్ట్ అప్డేట్స్ అందిస్తూ ప్రపంచం మొత్తం నివ్వెరపోయేలా చేస్తోంది. ఎన్నో అగ్ర దేశాలకు సాధ్యం కాని ఘనతను భారత్ సొతం చేసుకుంది. ఈ క్రమంలోనే సూర్యుడిపై ప్రయోగాలు చేసేందుకు ఇస్రో రెడీ అయ్యింది. ఈ నేపథ్యంలోనే ఇవాళ ఆదిత్య ఎల్ 1 ప్రయోగాన్ని చేపట్టబోతోంది.
