హెడ్ కానిస్టేబుల్‌గా భార్యకు ప్రమోషన్..భర్త ఇచ్చిన సర్ప్రైజ్ ఏంటో తెలుసా?
భర్త కొంచం మెచ్చుకున్నా, పొగిడినా చాలు భార్య ఆనందంతో ఉప్పొంగిపోతుంది. అలాంటిది తన సక్సెస్ను లైఫ్ లాంగ్ గుర్తుండిపోయేలా సెలబ్రేట్ చేస్తే ఇంకేముందు ఆ భార్య సంబరంతో గెంతులేస్తుంది. అలాంటి ఓ సర్ప్రైజ్ను తన భార్యకు ప్లాన్ చేసి ఆమెను ఫిదా చేశాడు హైదరాబాద్కు చెందిన ఓ భర్త.
భార్యకు హెడ్ కానిస్టేబుల్‌గా ప్రమోషన్ రావడంతో ఆ ఆనందాన్ని ఓ రేంజ్లో సెలబ్రేట్ చేశాడు. టపాసులు పేల్చి, కేక్ కట్ చేయించి విధుల నుంచి ఇంటికి వచ్చిన భార్యకు ఘనంగా స్వాగతం పలికాడు. ప్రస్తుతం ఈ సెలబ్రేషన్స్కు సంబంధించిన వీడియో నెట్టింట్లో సందడి చేస్తోంది. భార్య కోసం భర్త ప్లాన్ చేసిన
సర్ప్రైజ్ను ముచ్చటగా చూస్తున్నారు నెటిజన్లు.
ప్రతి మగాడి విజయం వెనకాల స్త్రీ ఉన్నట్లే..ప్రతి స్త్రీ ఎదుగుదల వెనకాల పురుషుడు ఉంటాడని ఈ ఘటన రుజువుగా నిలుస్తుంది. భార్యకు హెడ్ కానిస్టేబుల్‌గా ప్రమోషన్ వచ్చిందిన హైదరాబాద్ ఎస్.ఆర్.నగర్‌లో కు చెందిన ఓ భర్త ఊహించని విధంగా సెలబ్రేట్ చేశాడు. ఇక ఇంట్లో సంబరాలు చూస్తే ఎవరైనా ఫిదా అయిపోతారు. ఇంటికి వచ్చిన భార్యకు భర్త గ్రాండ్గా స్వాగతం పలికాడు. గుమ్మంలోనే బ్యాండు మేళాలతో ఫ్యామిలీ మొత్తం ఆమెకు స్వాగతం పలికారు. టపాసులు పేల్చారు. అంతటితో ఆగలేదు కేక్ కట్ చేశారు, డ్యాన్సులతో రచ్చ రచ్చ చేశారు. భర్త ఇలా తన సక్సెస్ను సెలబ్రేట్ చేస్తుంటే భార్య ముఖంలో ఆనందం చూడాలి. అది మాటల్లో వర్ణించలేనిది. ఇల్లంతా ఓ పండుగలా సందడిగా మారింది. భర్త తనపై చూపించిన ప్రేమకు భార్య ఫిదా అయిపోయింది.
ఈ వీడియో ఇప్పుడు ఇన్‌స్టాగ్రామ్‌లో వైరల్ అవుతోంది. నెటిజన్స్ ఆమెకు కంగ్రాట్స్ చెబుతూనే , భర్తను పొగడ్తలతో ముంచేశారు. ఈ సంతోషాన్ని ఆమె లైఫ్ లాంగ్ మారిచిపోలేదని కామెంట్లు చేస్తున్నారు.
