Chandrababu Naidu : చంద్రబాబు ఎన్నికల శంఖారావం.. ప్రచారానికి శ్రీకారం

తెలుగుదేశం పార్టీ అధినేత, మాజీ సీఎం చంద్రబాబు నాయుడు ఎన్నికల శంఖారావాన్ని పూరించారు. ప్రకాశం జిల్లా కనిగిరి నుంచి ఎన్నికల ప్రచారాన్ని మొదలుపెట్టారు. ఈ క్రమంలోనే 'రా కదలి రా' కార్యక్రమాన్ని ప్రారంభించారు. ఈ నెల 29 నుంచి వచ్చే నెల 22 వరకు పార్లమెంట్ స్థానాల్లో ఆయన ప్రచారం నిర్వహించనున్నారు. ఇక ఆయనతో పాటు లోకేశ్, జనసేన అధినేత పవన్ కల్యాణ్ కూడా ప్రచారంలో పాల్గొంటారని టీడీపీ నేతలు చెబుతున్నారు.

బహిరంగ సభల ద్వారా జగన్ ప్రభుత్వ ప్రజా వ్యతిరేక కార్యక్రమాలను చంద్రబాబు ప్రజలకు వివరించనున్నారు. ఇక తమ పార్టీ అధికారంలోకి వస్తే ఏం చేస్తామనే అంశాలపై కూడా చంద్రబాబు ఆయన పార్టీ నేతలు విస్తృత ప్రచారం చేయనున్నారు. ఇప్పటికే పలు హామీలిచ్చిన చంద్రబాబు ఈ ప్రచారంలో మరిన్ని కొత్త పథకాలు ప్రకటించే ఛాన్స్ ఉందని ఆ పార్టీ నేతలు చెబుతున్నారు.