Venkatesh : సీఎం రేవంత్ను కలిసిన హీరో వెంకటేశ్

తెలంగాణ సీఎం రేవంత్ రెడ్డిని టాలీవుడ్ హీరో విక్టరీ వెంకటేశ్, ఆయన సోదరుడు సురేశ్ బాబు మర్యాదపూర్వకంగా కలిశారు. శనివారం సీఎం నివాసానికి వచ్చిన వెంకటేశ్, సురేశ్ బాబు సీఎం రేవంత్ తో భేటీ అయ్యారు. ఈ సందర్భంగా వారు సీఎంకు బొకే ఇచ్చి శుభాకాంక్షలు తెలిపారు. అనంతరం సినిమా ఇండస్ట్రీకి సంబంధించిన పలు అంశాలను సీఎం రేవంత్ వారిని అడిగి తెలుసుకున్నారు. ఈ సందర్భంగా టాలీవుడ్ కు సంబంధించిన పలు సమస్యలను వెంకటేశ్, సురేశ్ బాబు సీఎం దృష్టికి తీసుకెళ్లినట్లు తెలుస్తోంది. ఈ క్రమంలోనే టాలీవుడ్ సమస్యలను పరిష్కరించేందుకు కృషి చేస్తానని సీఎం హామీ ఇచ్చినట్లు సమాచారం.

కాగా ఇటీవల జరిగిన ఎన్నికల్లో కాంగ్రెస్ పార్టీ మెజారిటీ స్థానాలు సాధించి అధికారంలోకి వచ్చిన విషయం తెలిసిందే. ఈ నేపథ్యంలోనే డిసెంబర్ 7న తెలంగాణ సీఎంగా రేవంత్ రెడ్డి ప్రమాణ స్వీకారం చేశారు. ఈ క్రమంలోనే పలు రాజకీయ పార్టీల నాయకులతో పాటు సినీ ప్రముఖులు ఆయనను కలిసి శుభాకాంక్షలు తెలిపారు. మెగాస్టార్ చిరంజీవి, హీరో నాగార్జున, బాలకృష్ణ తదితరులు సీఎం రేవంత్ రెడ్డిని కలిసి విషెస్ చెప్పారు.