నితీశ్ కుమార్ అలా చేసి ఉండాల్సింది కాదు.. ఢిల్లీ సీఎం కేజ్రీవాల్

బీహార్‌లో మహాకూటమి విచ్ఛిన్నంపై ఢిల్లీ సీఎం అరవింద్ కేజ్రీవాల్ ఘాటుగా స్పందించారు. నితీష్ కుమార్ ఎన్డీయేలో చేరి ఉండాల్సిందని కాదని కేజ్రీవాల్ అన్నారు. ఈ క్రమంలో నితీష్‌ బీజేపీలో చేరి తప్పు చేశారని అభిప్రాయం వ్యక్తం చేశారు. ఇది ప్రజాస్వామ్యానికి మంచిది కాదన్నారు. నితీశ్ బీజేపీలో చేరితే ఎన్డీయేకు నష్టం వాటిల్లుతుందని..అదే క్రమంలో భారత కూటమి లాభపడుతుందని పేర్కొన్నారు. ఈ ఏడాది జరగనున్న లోక్‌సభ ఎన్నికలకు ముందే నితీష్ కుమార్ ఇండియా కూటమితో తెగతెంపులు చేసుకున్నారని ఢిల్లీ ముఖ్యమంత్రి, ఆప్ జాతీయ కన్వీనర్ అరవింద్ కేజ్రీవాల్ సోమవారం విమర్శించారు. అంతేకాదు ఢిల్లీ ప్రజలకు విద్యుత్ పాలసీలో భాగంగా ఫ్రీగా విద్యుత్ అందించనున్నట్లు ప్రకటించారు.

మరోవైపు ఢిల్లీ పవర్ మేనేజ్‌మెంట్ మొత్తం దేశంలోనే అత్యుత్తమంగా ఉందని కేజ్రీవాల్ అన్నారు. ఇప్పుడు సౌరశక్తిని మరింత మెరుగ్గా వినియోగించుకునేందుకు ఢిల్లీ సిద్ధమైందన్నారు. ఈ నేపథ్యంలోనే ఢిల్లీ సోలార్ పాలసీ 2024ని ప్రకటించారు. దీని పెద్ద స్పెషాలిటీ ఏంటంటే.. దీన్ని వినియోగించే గృహ వినియోగదారుల కరెంటు బిల్లు జీరోగా మారి నెలకు రూ.700 నుంచి 900 వరకు సంపాదిస్తారు. దీంతోపాటు వాణిజ్య, పారిశ్రామిక వినియోగదారుల విద్యుత్ బిల్లులు సగానికి తగ్గనున్నాయి.