Telangana Assembly : ముగిసిన తెలంగాణ అసెంబ్లీ సమావేశాలు

తెలంగాణ శాసనసభా సమావేశాలు ముగిశాయి. సభను నిరవధిక వాయిదా వేస్తున్నట్లు స్పీకర్ గడ్డం ప్రసాద్ కుమార్ ప్రకటించారు. తెలంగాణ అసెంబ్లీ రెండో సెషన్ సమావేశాలు ఫిబ్రవరి 8న ప్రారంభమై ఫిబ్రవరి 17న ముగిశాయని స్పీకర్ పేర్కొన్నారు. మొత్తం 8 రోజుల పాటు సభ నిర్వహించినట్లు వెల్లడించారు. మొత్తం పని గంటలు 45 గంటలు 32 నిమిషాలుగా పేర్కొన్నారు. సభలో మొత్తం 59 మంది మాట్లాడినట్లు తెలిపారు. అలాగే జీరో అవర్ లో 64 ప్రసంగాలు అయినట్లు తెలిపారు. ఈ సమావేశాల్లో ప్రభుత్వం మూడు బిల్లులు ప్రవేశపెట్టగా సభ ఆమోదం తెలిపిందని, అలాగే రెండు తీర్మానాలు ప్రవేశపెట్టారని పేర్కొన్నారు. అదేవిధంగా ఒక షార్ట్ డిస్కషన్ నడిచిందని, ఇక అసెంబ్లీలో బలాబలాల కాంగ్రెస్ 64, బీఆర్ఎస్ 39, సీపీఐ 1, బీజేపీ 8, ఎంఐఎం 7 ఉన్నట్లు స్పీకర్ తెలిపారు. కాగా ఈ బడ్జెట్ సమావేశాల్లో ప్రభుత్వం బడ్జెట్ ను ప్రవేశపెట్టగా దానిపై దీర్ఘంగా చర్చ నడిచింది. ఇక ఈ రోజు ప్రభుత్వం ప్రవేశపెట్టిన సాగునీటి శ్వేతపత్రంపై అసెంబ్లీలో వాడీవేడిగా చర్చ నడిచింది.