ముస్లిం పండుగ సందర్భంగా రేపు స్కూళ్లకు సెలవు!

తెలంగాణ ప్రభుత్వం రేపు (ఫిబ్రవరి 8) సాధారణ సెలవు దినంగా ప్రకటించింది. ముస్లింల షబ్-ఎ-మెరాజ్ పండుగ సందర్భంగా రేవంత్ సర్కార్ ఈ నిర్ణయం తీసుకుంది. ప్రభుత్వం విడుదల చేసిన క్యాలెండర్‌లో ఫిబ్రవరి 8వ తేదీన షబ్-ఎ-మెరాజ్‌కు సెలవు దినంగా ప్రకటించింది. అంతకు ముందు ఆప్షనల్ హాలిడే గా ఉన్న దీనిని ఇప్పుడు సాధారణ సెలవుగా మార్చింది. షబ్-ఎ-మెరాజ్ ను ముస్లింలు పవిత్రమైన రోజుగా భావిస్తారు. ఆ రోజున ఈ పర్వానా మసీదులను దీపాలతో అలంకరిస్తారు. రాత్రంతా జాగారం చేసి ప్రార్థనలు చేస్తారు. దీంతో ఫిబ్రవరి 8న తెలంగాణ రాష్ట్ర ప్రభుత్వం సాధారణ సెలవు దినంగా ప్రకటింస్తూ జీవో కూడా విడుదల చేసింది. ప్రక‌ట‌న విడుద‌ల కావడంతో ప్రభుత్వ కార్యాలయాలు, పాఠశాలలకు సెలవు దినం కానుంది. ఇక తెలంగాణ ప్రభుత్వం విడుదల చేసిన క్యాలెండర్ లో ఏప్రిల్ 5న బాబు జగ్జీవన్ రామ్ జయింతి సందర్భంగా హాలీడే ఉండనుంది. ఏప్రిల్ 9 ఉగాది సెలవు, ఏప్రిల్ 11,12న రంజాన్ సెలవు ఇచ్చారు. ఏప్రిల్ 14న అంబేద్కర్ జయంతి సందర్భంగా సెలవు ఉంటుంది. ఏప్రిల్ 17 శ్రీరామనవమికి కూడా సెలవు ప్రకటించారు.

జూన్ 17 బక్రీద్, జులై 17న మెహర్రం, జులై 29న బోనాల సందర్భంగా సెలవులు ఇచ్చారు. ఆగస్ట్ 15 స్వాతంత్ర్య దినోత్సవం, ఆగస్ట్ 26 శ్రీకృష్ణ జన్మాష్టమి సందర్భంగా సెలవులు ఇచ్చారు. సెప్టెంబర్ 7న వినాయక చవితి హాలీడే ఉంది. సెప్టెంబర్ 16 ఇద్ నబీకి సెలవు, అక్టోబర్ 2న మహత్మ గాంధీ జయంతి సందర్బంగా సెలవు ఉంటుంది. అక్టోబర్ 12, 13 తేదీల్లో దసరా సెలవులు ఇచ్చారు. అక్టోబర్ 31 దీపావళి సెలవు ఉంది. నవంబర్ 15 గురునానక్ జయంతి సందర్భంగా సెలవు ఉంది. డిసెంబర్ 25 క్రిస్మస్ సెలవు ఉంది. కాగా ప్రభుత్వ, ప్రైవేట్ విద్యాసంస్థలు మాత్రం ఇంకా తమ సంస్థలకు సెలవు ప్రకటించలేదని తెలుస్తోంది. ముందుగా ఆప్షనల్ హాలిడే అని ప్రకటించి తాజాగా సాధారణ సెలవు అని ప్రకటించడంతో విద్యాసంస్థలు ఇంతవరకు సెలవు ప్రకటించలేదని తెలుస్తోంది.