తన మైనపు విగ్రహంతో అల్లు అర్జున్ సెల్ఫీ

స్టైలిష్ స్టార్ అల్లు అర్జున్ పుష్ప మూవీతో పాన్ ఇండియా స్టార్ అయ్యారు. పుష్పలో సాంగ్స్, డైలాగ్స్, మేనరిజమ్స్.. వరల్డ్ వైడ్‌గా పాపులర్ అయ్యాయి. ఈ మూవీకి నేషనల్ అవార్డును కూడా బన్నీ అందుకున్నాడు. ఇప్పుడు బన్నీకి మరో గుర్తింపు కూడా లభించింది. ప్రపంచంలోనే ఫేమస్ అయిన మేడమ్ టుస్సాడ్స్ మ్యూజియంలో అల్లు అర్జున్ మైనపు విగ్రహం ఏర్పాటైంది. లాస్ట్ ఇయర్ అక్టోబర్‌లో ఆ మ్యూజియం నిర్వాహకులు బన్నీ దగ్గర కొలతలు కూడా తీసుకున్నారు.

దుబాయ్‌లోని మ్యూజియంలో బన్నీ మైనపు విగ్రహం ఏర్పాటవ్వడంపై ఫ్యాన్స్ ఫుల్ హ్యాపీగా ఫీల్ అవుతున్నారు. అలవైకుంఠపురంలోని కాస్ట్యూమ్‌తో పాటుగా పుష్ప మేనరిజంతో ఆ మైనపు విగ్రహం కనిపిస్తోంది. తన విగ్రహంతో పుష్పరాజ్ సెల్పీ తీసుకుని సోషల్ మీడియాలో పోస్ట్ చేశాడు. ఇక తగ్గేదేలే అంటూ కామెంట్ చేశాడు. అలాగే మైనపు విగ్రహం ఓపెనింగ్‌ వీడియోను కూడా పోస్ట్ చేశాడు.

ఇప్పుడు ఆ ఫోటోలు, వీడియోలు నెట్టింట సందడి చేస్తున్నాయి. ఈ హ్యాపీ మూమెంట్‌లో బన్నీకి సెలబ్రిటీలు కంగ్రాట్స్ చెబుతున్నారు. ఫ్యాన్స్ అయితే గర్వంగా ఫీల్ అవుతున్నారు. ఇకపోతే లండన్ లోని మ్యూజియంలో ప్రభాస్, మహేష్ బాబు మైనపు విగ్రహాలు ఉండగా అల్లు అర్జున్ ది మాత్రం దుబాయ్‌లో ఉండటం విశేషం.