ఓటీటీలో అంబాజీపేట మ్యారేజి బ్యాండు.. వాచ్ టైం ఎంతో తెలుసా..?

కలర్ ఫొటో, రైటర్ పద్మభూషన్ లాంటి సినిమాలతో హిట్ కొట్టి ఫ్యామిలీ ఆడియన్స్ ను సొంతం చేసుకున్న సుహాస్.. తాజాగా అంబాజీపేట మ్యారేజి బ్యాండ్ సినిమాతో ప్రేక్షకుల ముందుకు వచ్చాడు. దుశ్యంత్ కటికినేని డైరెక్షన్ లో తెరకెక్కిన ఈ సినిమా.. రూరల్ బ్యాక్ డ్రాప్ లో ఆడియన్స్ ను అలరించింది. అవుట్ అండ్ అవుట్ ఎమోషనల్ ఎంటర్ టైనర్ గా వచ్చిన ఈ సినిమాకు మొదటి షో నుండే పాజిటీవ్ టాక్ వచ్చింది. దాంతో ఆడియన్స్ ఈ సినిమాను చూసేందుకు థియేటర్స్ కు క్యూ కట్టారు. ప్రపంచ వ్యాప్తంగా ఫిబ్రవరి 2న రిలీజ్ అయిన ఈ సినిమా.. మొదటిరోజు నుంచి సూపర్ కలెక్షన్స్ రాబట్టింది.

అయితే ఈ సినిమా ఓటీటీలోకి ఎప్పుడొస్తుందని ప్రేక్షకులు ఎదురుచూస్తున్నారు. ఈ క్రమంలో చిత్ర బృధం గుడ్ న్యూస్ చెప్తూ.. ఆహా ప్లాట్ ఫామ్ పై ఓటీటీలో రిలీజ్ చేసింది. ఓటీటీలో రిలీజ్ అయినప్పటి నుంచి దూసుకుపోతున్న అంబాజీపేట మ్యారేజీ బ్యాండ్.. తాజాగా 100 మిలియన్ నిమిషాలు చూశారు. ఈ విషయాన్ని సినిమా యూనిట్ ప్రకటించింది. ఓటీటీలో తన స్టామినా ఏంటో చూపిస్తోంది.