బుట్టబొమ్మ సింగర్ ఎంగేజ్మెంట్ .. ఎవరితోనో తెలుసా?

ప్రముఖ సింగర్‌ అర్మాన్ మాలిక్‌ (Armaan Malik) తన బ్యాచిలర్ లైఫ్‌కి గుడ్ బై చెప్పి... త్వరలోనే ఓ ఇంటివాడుకాబోతున్నారు. తన చిరకాల ప్రయాణం మొదలైందంటూ... సోషల్ మీడియా వేదికగా తన పర్సనల్ లైఫ్ కి సంబంధించిన శుభవార్తను తెలియజేశాడు. తన స్నేహితురాలు, ఇన్‌ఫ్లూయెన్సర్‌ ఆష్నా ష్రాఫ్‌ (Aashna Shroff)ను తన లైఫ్ పార్ట్‌నర్‌గా పరిచయం చేస్తూ.. తనతో ఎంగేజ్‌మెంట్ చేసుకున్న ఫోటోలను నెట్టింట్లో షేర్ చేశాడు. తన ఫాలోవర్లు, అభిమానులతో ఆష్నా ష్రాఫ్ తో నిన్న (ఆగస్టు 28న) తన నిశ్చితార్థం జరిగినట్టు తెలియజేశాడు అర్మాన్‌ మాలిక్.

మా చిరకాల ప్రయాణం కేవలం ఇప్పుడే మొదలైంది.. అంటూ ఆష్నా ష్రాఫ్ చేతి వేలికి ఉంగరం తొడుగుతున్న స్టిల్‌తోపాటు హ్యాపీ మూడ్‌లో ఉన్న ఫొటోలను ఇన్‌స్టాగ్రామ్‌లో షేర్ చేశాడు. ఇప్పుడీ ఫొటోలు నెట్టింట ట్రెండింగ్ అవుతున్నాయి. అర్మాన్‌ షేర్‌ చేసిన ఫొటోలను పరిశీలిస్తే నిరాడంబరంగా ఓ గార్డెన్‌లో వీరి ఎంగేజ్‌మెంట్‌ అయినట్లు తెలుస్తోంది. ఈ పిక్స్‌ నెట్టింట వైరల్‌గా మారాయి. నెటిజన్లు, సినీ ప్రముఖులు అర్మాన్‌, ఆష్నాకు శుభాకాంక్షలు తెలియజేశారు. ఆశ్నా ష్రాఫ్ బాలీవుడ్ లో ప్రముఖ ఫ్యాషన్ డిజైనర్, సోషల్ మీడియా సెలబ్రిటీ. అశ్నాకు ఫ్యాషన్, ఇంటీరియర్ డిజైనింగ్ కి సంబంధించిన పలు కంపెనీలు కూడా ఉన్నాయి. ఆశ్నాకు కూడా చాలా మంది ఫ్యాన్స్ ఉన్నారు. ఈ భామ Cosmopolitan Luxury Fashion Influencer of the Year 2023 అవార్డు కూడా అందుకుంది. అర్మాన్ మాలిక్‌-అష్ణా ష్రాఫ్‌ త్వరలోనే వెడ్డింగ్‌ వివరాలు వెల్లడించనున్నారు

తెలుగులో బుట్ట బొమ్మా బుట్ట బొమ్మా పాటతో చాలా పాపులర్ అయ్యాడు అర్మాన్ మాలిక్ . ఈ పాటకు బెస్ట్‌ ప్లేబ్యాక్‌ సింగర్‌గా ‘సైమా’ అవార్డు దక్కించుకున్నాడు. ‘రక్తచరిత్ర 2’లోని ‘ఆట ఇప్పుడు మొదలాయే’ పాటతో టాలీవుడ్‌లోకి ఎంట్రీ ఇచ్చిన ఆయన ‘నిన్నిలా నిన్నిలా’ (వరుణ్‌తేజ్‌- తొలిప్రేమ), ‘బ్యూటిఫుల్‌ లవ్‌’ (నా పేరు సూర్య నా ఇల్లు ఇండియా), ‘అనగనగా’ (అరవింద సమేత), పడిపడి లేచే మనసు టైటిల్‌ సాంగ్‌ తదితర గీతాలతో అలరించాడు.