Bhagavanth Kesari : భగవంత్ కేసరి ట్రైలర్ ఇన్ని డౌట్స్ ఉన్నాయా..?
నందమూరి బాలకృష్ణ సినిమా అంటేనే ఫ్యాన్స్ కు పండగ. ఆ సినిమా పండగకే వస్తే డబుల్ ధమాకానే. అలాంటి ట్రీట్ ఇవ్వడానికే భగవంత్ కేసరిలా దసరా బరిలో దిగుతున్నాడు బాలయ్య. తాజాగా వచ్చిన ఈ మూవీ ట్రైలర్ కు మంచి రెస్పాన్స్ వచ్చింది. అనిల్ రావిపూడి డైరెక్ట్ చేసిన ఈ చిత్రాన్ని సాహు గారపాటి నిర్మించాడు. ట్రైలర్ తర్వాత ఈ మూవీపై అంచనాలు పెరిగాయి. అదే టైమ్ లో కొన్ని అనుమానాలు కూడా కలిగాయి. ఓ స్టార్ హీరో సినిమా ట్రైలర్ అంచనాలు పెంచడం కామన్. కానీ అనుమానాలూ వచ్చాయంటే ఆలోచించాలి. మరి ఆ డౌట్స్ ఏంటీ.. వీటి వల్ల సినిమాకు ప్లస్సా మైనస్సా.. ?
అఖండ, వీర సింహారెడ్డి అంటూ బ్యాక్ టు బ్యాక్ బ్లాక్ బస్టర్స్ అందుకుని ఉన్నాడు నందమూరి బాలకృష్ణ. దీంతో హ్యాట్రిక్ మిస్ చేసుకోకూడదు అంటే సరైన సబ్జెక్ట్ ఎంచుకోవాలి. ఈ విషయంలో అనిల్ రావిపూడితో సినిమా అనగానే అంతా హ్యాట్రిక్ పక్కా ఫిక్స్ అయిపోయారు. ఈ ఇద్దరివీ డిఫరెంట్ స్కూల్స్. అందుకే కొత్త కాంబినేషన్ ఖచ్చితంగా కొత్తగా ఉంటుందని నమ్మారు. టీజర్ వచ్చినప్పుడు ష్యూర్ షాట్ అనుకున్నారు. వచ్చిన రెండు పాటలూ బావున్నాయి. ఇక ట్రైలర్ మోస్ట్ ప్రామిసింగ్ గా ఉంది. ఈ ట్రైలర్ చూసిన తర్వాత అందరికీ వచ్చిన అనుమానాలు ప్రధానంగా శ్రీ లీల పాత్ర గురించే. విజ్జి పాప అనే పాత్ర చేసిన తనకూ బాలయ్యకు ఉన్న రిలేషన్ ఏంటనేది అస్సలు తెలియలేదు. ఊహించడానికి కూడా ఆస్కారం లేకుండా ట్రైలర్ కట్ చేశాడు అనిల్. ఆమెను ఎందుకు ఆర్మీలోకి పంపించాలనుకుంటున్నాడు.. తన నేపథ్యం ఏంటీ..? ఇవన్నీ ఏ మాత్రం డౌట్ రాకుండా అంతా చూసుకున్నాడు. దీంతో పాటు విలన్ తో బాలయ్యకు డైరెక్ట్ గా ఉండే క్లాష్ కూడా చూపించలేదు. కాకపోతే ఇన్ డైరెక్ట్ గా శ్రీ లీల వల్లే విలన్ తోనూ తలపడాల్సి వస్తుందనేలా ఉంది. ఇటు చూస్తే బాలయ్య పాత్ర గ్రామీణ నేపథ్యంలో కనిపిస్తోంది. అటు విలన్ అల్ట్రా పాష్ గా ఉన్నాడు. రిచెస్ట్ విలన్ అనొచ్చేమో. ఈ ఇద్దరి మధ్య వార్ కు కారణం ఏంటీ..? చివర్లో విక్రమ్ సినిమా రేంజ్ లో తుపాకుల మోత చూస్తే మరన్ని అనుమానాలూ ఉన్నాయి. ఓ రకంగా ఇవి కథలో కనిపించే ముడులు. ఆ ముడులను జాగ్రత్తగా రివీల్ చేస్తూ.. ఆడియన్స్ కు సర్ ప్రైజ్ ఇవ్వగలిగితే భగవంత్ కేసరి బ్లాక్ బస్టర్ కొట్టినట్టే.