ఈ మధ్య కాలంలో ఎక్కడ చూసినా నందమూరి బాలకృష్ణ భగవంత్ కేసరితో హిట్ కొట్టబోతున్నాడు అనే పాజిటివ్ టాక్స్ బాగా వినిపిస్తున్నాయి. అనిల్ రావిపూడితో కమిట్ అయిన దగ్గర నుంచీ ఈ మూవీకి అన్నీమంచి శకునములే అన్నట్టుగా ఉంది. ఆ మధ్య వదిలిని టీజర్ చాలా బావుంది. ఇప్పటి వరకూ వచ్చిన రెండు పాటలూ సూపర్బ్ అనిపించుకున్నాయి. ముఖ్యంగా ఉయ్యాలో ఉయ్యాలా సాంగ్ యూ టాప్ ట్రెండింగ్ లో ఉంది.
ఈ నెల 19న విడుదల కాబోతోన్న భగవంత్ కేసరి ట్రైలర్ కు వేళ అయింది. ఈ ఆదివారం వరంగల్ ఆర్ట్స్ కాలేజ్ మైదానంలో ట్రైలర్ లాంచింగ్ ఫంక్షన్ నిర్వహించబోతున్నారు. అయితే ఈ ప్రోగ్రామ్ కు సూపర్ స్టార్ మహేష్ బాబు చీఫ్ గెస్ట్ గా వచ్చి ట్రైలర్ లాంచ్ చేస్తాడు అనే ప్రచారం బాగా జరిగింది. బట్ అలాంటిదేం లేదు అనేది మూవీ ఇన్ సైడ్ నుంచి వినిపిస్తోన్న మాట. దర్శకుడు అనిల్ రావిపూడి ట్రైలర్ ను కట్ చేసి లాక్ చేశాను అని చెబుతూ.. ఆదివారం సాయంత్రం 8 : 16 గంటలకు ట్రైలర్ ను విడుదల చేయబోతున్నట్టు అఫీషియల్ ప్రకటన ఇచ్చారు. ఇందులో ఎక్కడా మహేష్ బాబు ప్రస్తావన లేదు. అంటే ఇప్పటి వరకూ వచ్చిన వార్త అబద్ధం అని తేలిపోయినట్టే కదా..?
బాలయ్యతో పాటు శ్రీ లీల ఓ కీలక పాత్రలో నటిస్తోందీ సినిమాలో. కాజల్ అగర్వాల్ ఫీమేల్ లీడ్ లో కనిపించబోతోంది. బాలీవుడ్ స్టార్ జాన్ అబ్రహాం విలన్ గా నటించాడు. థమన్ సంగీతం అందించిన ఈ మూవీని షైన్ స్క్రీన్ బ్యానర్ పై సాహు గారపాటి నిర్మించాడు. ఇప్పటికైతే పాజిటివ్ బజ్ ఉంది. ట్రైలర్ తో అంచనాలు కూడా పెరుగుతాయి. మరి అవి ఏ రేంజ్ లో ఉంటాయో చూడాలి.