లోకనాయకుడు కమల్ హాసన్ బర్త్ డే స్పెషల్ అంటూ పెద్దగా శెలవులు తీసుకోవడం లేదు. కంటిన్యూస్ గా షూటింగ్స్ ఉండటంతో బర్త్ డే పార్టీ కూడా లేకుండానే సెట్స్ లో అడుగుపెట్టాడు. ప్రస్తుతం శంకర్ డైరెక్షన్ లో రూపొందుతోన్న భారతీయుడు2 చిత్రీకరణలో ఉన్నాడు. ఈ మూవీ షూటింగ్ విజయవాడలో జరుగుతోంది. విజయవాడలోని గాంధీ నగర్ లో ప్రత్యేకంగా వేసిన సెట్స్ తో పాటు సహజమైన ఇళ్లల్లో చిత్రీకరణ చేస్తున్నారు. ఇప్పటికే చాలా వరకూ ఈ మూవీ షూటింగ్ పూర్తయింది. కొన్ని ముఖ్యమైన ఘట్టాలను విజయవాడతో పాటు రాజమండ్రిలో కూడా షూట్ చేస్తారని టాక్.
భారతీయుడు 2 కోసం గాంధీ నగర్ మొత్తం ప్రస్తుతం పోలీస్ పహారాలో ఉంది. పరిసర ప్రాంతాల్లో ట్రాఫిక్ ఆంక్షలు పెట్టారు. కొన్ని బారికేడ్స్ కూడా ఏర్పాటు చేసి మూవీ యూనిట్ కు సహకారం అందిస్తున్నారు పోలీస్ లు.
ఇక భారతీయుడు2తో పాటు కమల్ హాసన్ .. థగ్ లైఫ్ అనే సినిమా చేస్తున్నాడు. మూడున్నర దశాబ్దాల తర్వాత మణిరత్నంతో చేస్తోన్న సినిమా ఇది. ఈ మూవీలో కమల్ తో పాటు త్రిష, దుల్కర్ సాల్మన్, జయం రవి కీలక పాత్రలు చేస్తున్నారు. మొత్తంగా భారతీయుడు2 లాంటి పెద్ద సినిమా.. కమల్ హాసన్, శంకర్ వంటి బిగ్ స్టార్స్ విజయవాడ నడిబొడ్డులో షూటింగ్ చేస్తుండటంతో ఆ ప్రాంతం అంతా సందడిగా మారింది.