ధనుష్ ను తెలుగులో పట్టించుకుంటారా

సంక్రాంతి.. అసలే తెలుగు సినిమాలో ఫుల్ ప్యాక్డ్ గా ఉంది. ఇంక మరో తెలుగు సినిమాకే ఛాన్స్ లేదేమో అనుకుంటోన్న టైమ్ లో ఇదుగో నేనున్నా అంటూ వస్తున్నాడో తమిళ్ హీరో. అసలు ఆ హీరోను సంక్రాంతికి మనవాళ్లు తెస్తారా లేదా అనేది చెప్పలేం కానీ.. ఈ మూవీపైనా మంచి క్రేజ్ అయితే ఉంది.మరి ఆ హీరో ఎవరు అనుకుంటున్నారా.. ధనుష్. అతని కొత్త సినిమా కెప్టెన్ మిల్లర్ ను నిజానికి డిసెంబర్ 15న విడుదల చేయాలనుకున్నారు. ఆ తర్వాత వారానికి డంకీ, సలార్ వస్తుండటంతో తనకు ఇబ్బంది అవుతుందని డిసెంబర్ 8కి ప్రీ పోన్ చేసుకున్నారు. మరి సడెన్ గా ఏమైందో కానీ.. ఇప్పుడీ మూవీని సంక్రాంతికి విడుదల చేస్తాం అంటూ కొత్త పోస్టర్లు కొట్టించారు. మామూలుగా సంక్రాంతి వంటి పెద్ద పండగల టైమ్ లో డబ్బింగ్ సినిమాలు వేయకూడదు అనే రూల్ పెట్టుకుంది టాలీవుడ్. అఫ్ కోర్స్ అది రూల్ బుక్ కే పరిమితం తప్ప.. వాస్తవంగా అమలు కాదు. మళ్లీ మన పెద్ద డిస్ట్రిబ్యూటర్స్ తసీుకుంటే డబ్బింగ్ సినిమాలూ వేస్తున్నారు. మరి కెప్టెన్ మిల్లర్ కు ఆ తరహా హామీ ఏదైనా వచ్చిందేమో కానీ.. మనోడు సంక్రాంతి బరిలో సై అంటున్నాడు. నిజానికి ధనుష్ కు తెలుగు మార్కెట్ ప్రభావితం చేసేంత సీన్ లేదు. ఇక్కడ అతనికి ఫ్యాన్స్ ఉన్నారు. ఒక మోస్తరు మార్కెట్ ఉంది. కానీ మన సినిమాలను ఢీ కొట్టి పోటీ ఇచ్చేంత బలం లేదు.అందుకే కెప్టెన్ మిల్లర్ తెలుగులో అదే టైమ్ కు వస్తుందనేది కూడా డౌటే.

కెప్టెన్ మిల్లర్ ను అరుణ్ మాతేశ్వరన్ డైరెక్ట్ చేస్తున్నాడు. ధనుష్ తో పాటు శివరాజ్ కుమార్, సందీప్ కిషన్ కీలక పాత్రలు చేస్తున్నారు. ప్రియాంక అరుళ్ మోహన్ ఫీమేల్ లీడ్ లో కనిపించబోతోంది. జీవి ప్రకాష్ కుమార్ సంగీతం చేస్తోన్న ఈ మూవీ టీజర్ కు మాత్రం దేశవ్యాప్తంగా మంచి అప్లాజ్ వచ్చింది. ఏదేమైనా కెప్టెన్ మిల్లర్ కూడా సంక్రాంతికే తెలుగులోనూ వస్తే.. పోటీ మామూలుగా ఉండదు.

Dhanush New movie Updates,

Dhanush New movie Captain Miller Release Date,

Captain Miller Tamil movie to be released in Telugu,

Captain Miller to be Released for Sankrathi,

Captain Miller postponed to Sankranthi,