ఆర్ఆర్ఆర్ సినిమాతో తీరికలేని షూటింగ్లు, ప్రమోషన్లతో బిజీబిజీగా గడిపిన దర్శకధీరుడు రాజమౌళి తాజాగా తన సమ్మర్ వెకేషన్ను జాలీగా ఎంజాయ్ చేశారు. చాలా రోజుల తరువాత ఫ్యామిలీతో కలిసి విలువైన సమయాన్ని గడిపారు జక్కన్న. సమ్మర్ వెకేషన్ కోసం కుటుంబసమేతంగా తమిళనాడులోని తూత్తుకుడికి వెళ్లారు. రాజమౌళితో పాటు రమ, కుమారుడు కార్తికేయ, కోడలు పూజ, కూతురు మయూఖ కూడా ఈ టూర్కి వెళ్లారు. వెకేషన్కు సంబంధించిన ఫొటోలు, వీడియోలను రాజమౌళి స్టే చేసిన రిసార్ట్ నిర్వాహకులు సోషల్‌మీడియాలో షేర్ చేశారు. ప్రస్తుతం ఈ పిక్స్ నెట్టింట్లో వైరల్ అవుతున్నాయి.
తమిళనాడు టుటికోరిన్‌లోని వాటర్ స్పోర్ట్స్‌కు ప్రసిద్ధి చెందిన ఆక్వా అవుట్‌బ్యాక్‌లో మరిచిపోలేని విహారయాత్రను గడిపారు రాజమౌళి అండ్ ఫ్యామిలీ. వెకేషన్ను ఎంజాయ్ చేయడంతో పాటు రిసార్ట్ ప్రాంగణంలో మొక్కలను నాటి తమ అభిమానులను అలరించారు. ఈ పిక్స్ కూడా నెట్టింట్లో సందడి చేస్తున్నాయి.
'ఆర్ఆర్ఆర్' సినిమాతో రాజమౌళి వరల్డ్ వైడ్గా పాపులారిటీని సంపాదించుకున్నారు . తన నెక్స్ట్ ప్రాజెక్ట్ మహేశ్‌ బాబుతో చేస్తున్నారు . ఇప్పటికే విజయేంద్ర ప్రసాద్ కథను సిద్ధం చేశారు. యాక్షన్ అడ్వెంచరస్ మూవీగా ఈ సినిమాను తెరకెక్కించబోతున్నారు. ప్రపంచాన్ని చుట్టే సాహసికుడు అని జక్కన్నే స్వయంగా చెప్పడంతో ఈ సినిమాపై భారీ అంచానలు ఏర్పడ్డాయి. వచ్చే ఏడాదిలో షూటింగ్ ప్రారంభమవుతుందని సమాచారం.