Bigg Boss 7 విజేత ఎవరో తెలుసా..?తొలివారమే తేలిపోయిందిగా..
బిగ్ బాస్ సీజన్ -7 ఆసక్తికరంగా సాగుతుంది. తొలివారమే హౌస్ మేట్స్ తామేంటో నిరూపించుకునే ప్రయత్నం చేస్తున్నారు. ఈ క్రమంలోనే తొలివారం నామినేషన్స్ పర్వం హోరాహోరీగా సాగింది. ఇక హౌస్లో కొందరు కంటెస్టెంట్స్ ప్రత్యేక ఆకర్షణగా నిలుస్తున్నారు. అలాంటి వారిలో రతిక రోజ్ ఒకరు . ఈ అమ్మడు తన అందంతో ఆడియెన్స్ని ఆకట్టుకుంది. అచ్చ తెలుగు అమ్మాయి అయిన రతిక ఇప్పుడు బిగ్ బాస్ హౌస్లో ప్రత్యేక ఆకర్షణగా నిలుస్తుంది .
రతిక అసలు పేరు ప్రియా. మోడల్గా తన కెరీర్ ప్రారంభించింది. ఆ తర్వాత రతిక రోజ్గా తన పేరును మార్చుకుంది. గతంలో స్టాండప్ కమెడియన్ గానూ చేసింది. తనదైన జోక్స్తో ప్రేక్షకులను నవ్వించి మెప్పించింది. ఇక మోడలింగ్ చేస్తూనే సినిమాల్లో చిన్న చిన్న పాత్రల్లో నటించింది. బెల్లంకొండ గణేష్ నటించిన నేను స్టూడెంట్ సార్ సినిమాలో పోలీస్ పాత్రలో కనిపించింది రతిక. ఇక ఇప్పుడు బిగ్ బాస్లో ఛాన్స్ దక్కించుకుంది. ఇక హౌస్లో అడుగుపెట్టిన తర్వాత తన తెలుగు అందంతో ఆకట్టుకుంటుంది. అలాగే రతిక రోజ్ గొడవలకు వేదిక అవుతూ హౌస్లో హీట్ పెంచుతోంది. బిగ్ బాస్ తనకిచ్చిన సీక్రెట్ టాస్క్ను తెలివిగా పూర్తి చేసి తన స్ట్రాటజీ ఏంటో చూపించింది. తన ప్లాన్ను పర్ఫెక్ట్గా అమలు చేసి ఆడియన్స్ మనసును గెలుచుకుంది. రతిక మొదటిరోజు నుండి తనపై ఆడియన్స్ చూపు పడేలా చేసుకుంటుంది. హౌస్లోకి ఎంటర్ కాకముందు స్టేజ్పై నాగార్జునతో మాట్లాడినప్పుడు కూడా తడబడకుండా దైర్యంగా మాట్లాడింది రతిక.
టాలీవుడ్లో పలు సినిమాల్లో నటించినా ఈ అమ్మడికి సరైన గుర్తింపు లభించలేదు. అందుకే తానేంటో ప్రూవ్ చేసుకోవడానికి బిగ్ బాస్ సీజన్ 7కు వచ్చింది . ఇప్పటికే ఆడియన్స్ లో రతికపై పాజిటీవ్ ఒపీనియన్ వచ్చేసింది. దీంతో రతిక విన్నెర్ అయ్యే ఛాన్సెస్ ఎక్కువగా ఉన్నాయనే వార్తలు వినిపిస్తున్నాయి. ఇక రతిక గురించి బయట మరో టాక్ కూడా వినిపిస్తుంది. ఈ సీజన్ విన్నర్గా రతికా రోజ్ను డిసైడ్ చేసేశారని. ఆ విషయం ఆమెకు కూడా తెలుసని, అందుకే ధీమాగా ఉంటోందనే కామెంట్స్ కూడా వినిపిస్తున్నాయి. అయితే ముందే విన్నర్ను డిసైడ్ చేసే అవకాశాలు దాదాపు ఉండవు. కానీ రతిక తన ఆటతీరుతో ఆకట్టుకుంటే మాత్రం విన్నర్ అయ్యే అవకాశాలు మెండుగా ఉన్నాయి. అలాగే తనలోని గ్లామర్ సరికొత్తగా చూపిస్తే హీరోయిన్ గా కూడా అవకాశాలు అందుకోవచ్చు.