దోస్తాంగీ.. ‘మట్టికథ’ నుంచి అద్భుతమైన లిరికల్ సాంగ్ వచ్చేసింది..

తెలుగు వెండితెర రియాలిటీకి పట్టడం కడుతోంది. ఇంతవరకు సెల్యూలాయిడ్‌పై కనిపించని ముడిజీవితపు కథలను కొత్త దర్శకులు అద్భుతంగా పరిచయం చేస్తున్నారు. మైక్ మూవీస్ బ్యానర్‌పై వస్తున్న ‘మట్టికథ’ చిత్రం అటువంటిదే. విడుదల కాకముందే అంతర్జాతీయ అవార్డులను కొల్లగొట్టిన ఈ చిత్రం పల్లెటూరి కుర్రకారు ఆశనిరాశలను, ప్రేమలను, సరదాలను సరికొత్తగా కళ్లకు కడుతుంది. ఈ చిత్రంలోని ‘దోస్తాంగీ’ లిరికల్ పాటను మూవీ టీమ్ కాసేపటి కిందట విడుదల చేసింది.

‘‘ఏమిరా సత్తీ ఎట్టుంది పాఠం ఏమైన ఎక్కినదా

నెత్తి మొత్తం తిప్పుతాంది ఏందిరా ఈ గొడవా..

లైఫు లెక్కలూ అవి వేరే సిక్కులూ

ఇడిసి బుక్కులూ దునుకురా కళలందే గోడలూ ..

కుదురు మరచినద దోస్తాంగీ.. తెగిందీ పతంగీ

దారి తప్పినది దోస్తాంగీ.. పేలిందీ ఫిరంగీ..’’

అంటూ సరదాగా సాగుంతుంది ఈ పాట. అర్థం కాని కాలేజీ చదువులు, కుర్రతనం కోరికలు, అల్లరిపనులను చక్కగా చిత్రీకరించారు. నిఖిలేశ్ సుంకోజీ రాసిన ఈ పాటకు స్మరణ్ సాయి స్వరాలు అందించి, రాజశేఖర్ కట్లకుంటతో కలసి పాడారు. పవన్ కడియాల దర్శకత్వం వహించిన ఈ మూవీని అన్నపరెడ్డి అప్పిరెడ్డి నిర్మించారు. సహనిర్మాత సతీశ్ మంజీర. అజయ్ వేడ్ హీరోగా నటించిన ఈ చిత్రంలో ప్రముఖ జానపద గాయని కనకవ్వ, ‘బలగం’ తాత సుధాకర్ రెడ్డి, దయానంద్ రెడ్డి తదితరులు నటించారు. స్మరణ్ సాయి సంగీతం అందించగా కుంభం ఉదయ్ ఎడిట్ చేశారు.