టాలీవుడ్ యంగ్ హీరో ఆనంద్ దేవరకొండ, వైష్ణవి చైతన్య జంటగా నటించిన సినిమా ‘బేబీ’. ఈ మూవీ జూలై 14న విడుదలై భారీ విజయాన్ని అందుకుంది. అంతేకాకుండా చిన్న సినిమాగా వచ్చి కలెక్షన్స్‌లో రికార్డులు బద్దలు కొడుతుంది. వైష్ణవి చైతన్య ఇప్పటి వరకు షార్ట్ ఫిలిమ్స్, వెబ్ సిరీస్‌లతో గుర్తింపు తెచ్చుకుని బేబీ సినిమాతో ఓవర్ నైట్‌లో స్టార్‌గా మారిపోయింది. ఆమె నటనకు పలువురు సినీ ప్రముఖులు ప్రశంసలు కురిపించిన సంగతి తెలిసిందే. తాజాగా, యంగ్ హీరో రామ్ పోతినేని వైష్ణవికి ఓ స్పెషల్ బొకే గిఫ్ట్‌గా ఇచ్చారు. ఈ విషయాన్ని ఆ అమ్మడు తన ట్విట్టర్ వేదికగా తెలిపింది.
రామ్ లాంటి క్రేజీ హీరో తనకోసం ఫ్లవర్స్ పంపడంతో వైష్ణవి ఫిదా అవుతోంది. ఫ్లవర్స్ ని అందంగా హత్తుకుంటూ మురిసిపోతోంది. ఈ ఫోటో ని వైష్ణవి సోషల్ మీడియాలో షేర్ చేసింది. ఏ సందర్భంగా వైష్ణవి రామ్ కి కృతజ్ఞతలు తెలిపింది. దీనితో నెటిజన్లు కామెంట్స్ పెడుతూ వైష్ణవికి స్టార్ హీరోలలో, టాలీవుడ్ లో క్రేజ్ పెరుగుతోంది. ఆమె దశ తిరిగినట్లే అని అంటున్నారు. వైష్ణవి యూట్యూబర్ గా రీల్స్ చేస్తూ, షార్ట్ ఫిలిమ్స్ చేస్తూ సోషల్ మీడియాలో గుర్తింపు పొందింది. అయితే వైష్ణవి ఇంత క్రేజీ హీరోయిన్ అవుతుందని ఎవరూ ఊహించి ఉండరు.
తెలుగమ్మాయిగా టాలీవుడ్ లో సంచలనం మొదలు పెట్టిన వైష్ణవి ఫ్యూచర్ లో ఎలాంటి చిత్రాలు చేస్తుందో అని ఆడియన్స్ ఆసక్తిగా ఉన్నారు. సాయి రాజేష్ దర్శకత్వంలో తెరకెక్కిన బేబీ చిత్రాన్ని ఎస్ కె ఎన్ నిర్మించారు. 11 రోజుల్లో బేబీ చిత్రం వరల్డ్ వైడ్ గా 33 కోట్లకి పైగా షేర్ సాధించింది. నిర్మాతకి, బయ్యర్లకి ఈ చిత్రం లాభాల పంట పండించింది.
Thank you Ram Garu for sending flowers and your best wishes to me and baby team❤️@ramsayz #baby pic.twitter.com/ksCc0DVOej
— Vaishnavi_Chaitanya (@iamvaishnavi04) July 25, 2023