సూపర్ స్టార్ మహేష్ బాబు, రాజమౌళి కాంబినేషన్ లో సినిమా కోసం ఆడియన్స్ ఎప్పటి నుంచో ఎదురుచూస్తున్నారు. జక్కన్న ఇండస్ట్రీకి వచ్చిన టైమ్ లోనే మహేష్ కూడా వచ్చాడు. రాజమౌళి సినిమాలతోనే ఎన్టీఆర్, రామ్ చరణ్, ప్రభాస్ స్టార్ హీరోలుగా మారారు. రాజమౌళి కెరీర్ లో తక్కువ హీరోలతో పనిచేశాడు. అందువల్ల మహేష్ వరకూ రావడానికి టైమ్ పట్టింది. ఈగ, బాహుబలి, ఆర్ఆర్ఆర్ చిత్రాలతో ఇండియన్ మూవీస్ రేంజ్ ను ఇంటర్నేషనల్ రేంజ్ కు తీసుకువెళ్లాడు. ప్రస్తుతం రాజమౌళి అంటే ఇండియాస్ టాప్ డైరెక్టర్ అని చెప్పాల్సిందే.ఈ టైమ్ లో మహేష్ తో మూవీ అంటే ఆటోమేటిక్ గా సూపర్ స్టార్ కు ఓవర్ నైట్ ఇంటర్నేషనల్ మార్కెట్ వస్తున్నట్టే. అయితే తాజాగా రాజమౌళి బర్త్ డే సందర్భంగా విషెస్ చెప్పిన మహేష్ ట్వీట్ చూస్తే.. ఈ ప్రాజెక్ట్ పై అనుమానాలు కలుగుతున్నాయంటున్నారు చాలామంది.
రాజమౌళి, మహేష్ కాంబినేషన్ లో సినిమా గురించి చాలాకాలం క్రితం నుంచే వార్తలు వస్తున్నాయి. లాస్ట్ ఇయర్ ఆర్ఆర్ఆర్ ప్రమోషన్స్ లో కూడా రాజమౌళి ఈ ప్రాజెక్ట్ గురించి కన్ఫార్మ్ చేశాడు. ఆ తర్వాత మహేష్ బాబు కూడా రాజమౌళి బర్త్ డేకి విషెస్ చెబుతూ ట్వీట్ చేశాడు. బట్ ఈ యేడాది విషెస్ లో తమ కాంబినేషన్ గురించి కనీసం కూడా చెప్పలేదు. తామిద్దరూ కలిసి పనిచేయబోతున్నట్టు.. ఈ కొలాబరేషన్ గురించిన ప్రస్తావన కానీ ఆ ట్వీట్ లో లేదు. జస్ట్ బర్త్ డే విషెస్ గా హ్యాపీ బర్త్ డే చెప్పి.. ఆయన సినిమాటిక్ బ్రిలియన్సీ ఇంకా ఎన్నోయేళ్లు కొనసాగాలని కోరుకున్నాడు. అయితే ఫ్యాన్స్ మాత్రం తమ ప్రాజెక్ట్ గురించిన చిన్న అంశమైనా ఉంటే బావుండేది అనుకుంటున్నారు.
మరోవైపు ఈ కాంబినేషన్ లో సినిమా ఇప్పుడప్పుడే రాకపోవచ్చు అని రూమర్స్ క్రియేట్ చేస్తున్నారు. వీరి కలయికలో వచ్చే సినిమా కథ మహేష్ కు నచ్చలేదనీ..చాలా మార్పులు చెప్పాడనీ..అవి మారిస్తే తాను అనుకున్నట్టుగా ఈ కథకు ఇంటర్నేషనల్ అప్పీల్ రాదని రాజమౌళి ఫీల్ అవుతున్నాడనీ ఇలా వరుసగా నోటికి వచ్చిందంతా మాట్లాడుకుంటున్నారు. కానీ ఇందులో నిజమెంత అంటే అస్సలు లేదు అనేంత. యస్.. నిజం ఏంటంటే.. ఈ వారంలోనే రాజమౌళి.. మహేష్ బాబుకు ఫుల్ స్క్రిప్ట్ నెరేట్ చేయబోతున్నాడు. ఇది అమెజాన్ అడవుల నేపథ్యంలో సాగే అడ్వెంచరస్ ఎంటర్టైనర్ అని కథా రచయిత విజయేంద్ర ప్రసాద్ ముందు నుంచీ చెబుతున్నాడు. ఇలాంటి కథలకు మహేష్ బాబు వంటి హాలీవుడ్ కటౌట్ తో రాజమౌళి ట్రీట్మెంట్ తోడైతే ఇంటర్నేషనల్ బాక్సాఫీస్ కూడా షేక్ అవుతుందని చెప్పొచ్చు.
Wishing you a happy birthday @ssrajamouli sir! Here's to many more years of your cinematic brilliance!
— Mahesh Babu (@urstrulyMahesh) October 10, 2023