Kantara 2 Teaser : కాంతార చాప్టర్ 1 ఫస్ట్ లుక్ టీజర్ రిలీజ్.. శివ తండ్రి గెటప్ ఇదే

డబ్బింగ్ సినిమాగా విడుదలై టాలీవుడ్‌లో రికార్డులు క్రియేట్ చేసిన రిషబ్ శెట్టి కాంతార గురించి ప్రత్యేకించి చెప్పాల్సిన పని లేదు. సినిమా విడుదలైన కొత్తలో చాలామంది అందులోని వింతశబ్ధాన్ని అనుకరించి.. సినిమాకు మౌత్ పబ్లిసిటీ ఇచ్చారు. కాన్సెప్ట్ కొత్తగా ఉండడంతో తెలుగు ప్రేక్షకులంతా సినిమాను ఆదరించారు. కన్నడలో బ్లాక్‍బాస్టర్ అయిన ఈ సినిమాను ఆ తర్వాత తెలుగు, హిందీ సహా మరిన్ని భాషల్లో రిలీజ్ చేశారు. తెలుగు రాష్ట్రాలతో పాటు విడుదలైన అన్ని చోట్ల కాంతార బంపర్ హిట్ అయింది. భారీ కలెక్షన్లతో పాటు ప్రశంసలను దక్కించుకుంది. ఈ సినిమాతో కన్నడ పరిశ్రమ వైపు దేశమంతా చూసింది. ఇప్పుడు కాంతార సినిమాకు ప్రీక్వెల్‍గా ‘కాంతార చాప్టర్ 1’ వస్తోంది. ‘కాంతార - ఏ లెజెండ్ చాప్టర్ 1’ చిత్రానికి సంబంధించిన ఫస్ట్ లుక్ టీజర్ కాసేపటి క్రితమే రిలీజ్ అయింది.

ఈ ఫస్ట్ లుక్‍లో రిషబ్ శెట్టి లుక్ బీభత్సంగా ఉంది. కండలు తిరిగిన దేహంతో గెటప్ చాలా డిఫరెంట్‍గా ఉంది. దేహమంతా రక్తపు మరకలు, మెడలో రుద్రాక్షలు, ఓ చేతిలో త్రిశూలం, మరో చేతిలో గొడ్డలి, పొడవు జుట్టు, గడ్డంతో రిషబ్ లుక్ చాలా ఆసక్తికరంగా ఉంది. కదంబల జన్మించిన ఓ లెజెండ్ కథగా ఫస్ట్ లుక్ టీజర్లో పేర్కొన్నారు మేకర్స్. కాంతార చాప్టర్-1 చిత్రానికి కూడా హీరో రిషబ్ శెట్టినే కథ, దర్శకత్వం వహిస్తున్నారు. హొంబాలే ఫిల్స్మ్ పతాకంపై విజయ్ కిరంగదూర్ ఈ చిత్రాన్ని నిర్మిస్తున్నారు. అజ్నిశ్ లోకనాథ్ సంగీతం అందిస్తున్నారు. అయితే ఈసారి డబ్బింగ్ గా కాకుండా.. కాంతార చాప్టర్ 1 చిత్రాన్ని కన్నడతో పాటు ఒకేసారి తెలుగు, హిందీ, తమిళం, మలయాళం, బెంగాలీ, ఇంగ్లిష్ భాషల్లో రిలీజ్ చేయాలని మేకర్స్ ప్లాన్ చేశారు. కాంతార చిత్రంలో శివ (రిషబ్ శెట్టి) స్టోరీని మేకర్స్ చూపించారు. అయితే, కాంతార పార్ట్ 1లో శివ తండ్రి (రిషబ్ శెట్టి) కథను తెరకెక్కించనున్నారని తెలుస్తోంది. కాంతారలో రిషబ్ శెట్టి.. శివతో పాటు తండ్రి పాత్రలోనూ డ్యుయల్ రోల్‍ చేశారు.

Full View