Kushi: 'ఖుషి' సినిమా OTT రిలీజ్ డేట్ ఫిక్స్... స్ట్రీమింగ్ ఎక్కడంటే?
మూవీ లవర్స్‌కు గుడ్ న్యూస్. హీరో విజయ్ దేవరకొండ, స్టార్ హీరోయిన్ సమంత హీరోహీరోయిన్లుగా నటించిన ఖుషి సినిమా ఓటీటీ స్ట్రీమింగ్ డేట్ ఖరారైంది. శివ నిర్వాణ దర్శకత్వం వహించిన ఈ సినిమా.. సెప్టెంబర్ 1వ తేదీన థియేటర్లలో రిలీజ్ కాగా.. వచ్చె నెల అక్టోబర్ నుంచి ఓటీటీలో సందడి చేయనుంది. 'ఖుషి' సినిమా విడుదలకు ముందే ప్రముఖ ఓటీటీ ప్లాట్‌ఫాం నెట్‌ఫ్లిక్స్ తో డీల్ సెట్ చేసుకున్నారు నిర్మాతలు. అక్టోబర్ 1 నుంచి ఈ మూవీ స్ట్రీమింగ్ కానుంది.
మైత్రి మూవీ మేకర్స్ ఈ చిత్రాన్ని భారీగా నిర్మించిన ఈ సినిమాను తెలుగుతోపాటు తమిళ, హిందీ, మలయాళ, కన్నడ భాషల్లో విడుదల చేశారు. ఈ సినిమాలో బీఎస్ఎన్ఎల్ ఉద్యోగి విప్లవ్ పాత్రలో మెప్పించారు విజయ్ దేవరకొండ. సాఫ్ట్ వేర్ ఇంజినీర్ ఆరాధ్య క్యారెక్టర్ చేశారు సమంత. వీరిద్దరూ కశ్మీర్‌లో ప్రేమలో పడతారు. ఆ తర్వాత సిద్ధాంతాల వైరుధ్యంతో ఇరు కుటుంబాల పెద్దలు అంగీకరించకపోవటంతో బయటికి వెళ్లి పెళ్లి చేసుకుంటారు విప్లవ్, ఆరాధ్య. ఆ తర్వాత విప్లవ్, ఆరాధ్య మధ్య గొడవలు జరిగి విడిపోయే వరకు పరిస్థితి వెళుతుంది. మరి, వీరిద్దరూ మళ్లీ ఎలా కలిశారన్నదే ఖుషి సినిమా ప్రధానమైన కథగా ఉంది.
గీతా గోవిందం తర్వాత మళ్లీ విజయ్ దేవరకొండ ని రొమాంటిక్ రోల్ చూసేందుకు అభిమానులు సినిమాపై ఆసక్తి కనబరిచారు. అలాగే విజయ్, సమంతల జోడి వెండితెరపై ఫస్ట్ టైమ్ పూర్తిస్థాయిలో కనిపించనుండడంతో ఆడియన్స్ లోనూ మూవీపై క్యూరియాసిటీ నెలకొంది. ఈ చిత్రానికి మ్యూజిక్ పెద్ద ప్లస్ అయింది. కథలో డెప్త్ లేకపోవటం వల్ల ఖుషి మూవీ ఆశించిన స్థాయిలో విజయం సాధించలేదనే అభిప్రాయాలు వ్యక్తమయ్యాయి.