మీటూ కేసులో నటి శుత్రి హరిహరన్కు చుక్కెదురైంది. ప్రముఖ నటుడు అర్జున్‌పై ఆమె చేసిన ఆరోపణలపై సరైన సాక్ష్యాధారాలు అందించాలని తాజాగా శ్రుతిని కోర్టు కోరింది. ఇందుకు సంబంధించి బెంగళూరు 8వ ఎసిఎంఎం కోర్టు శ్రుతితో పాటు పోలీసులకు నోటీసులు జారీ చేసింది.
2018 అక్టోబర్లో కన్నడ నటి శృతి హరిహరన్ తన సోషల్ మీడియా అకౌంట్లో 'మీ టూ' ఉద్యమం ఉధృతంగా ఉన్న సమయంలో నాలుగు పేజీల లేఖ రాసి షేర్ చేసింది. విస్మయ సినిమా షూటింగ్ సమయంలో ప్రముఖ నటుడు అర్జున్ సర్జా తనను లైంగికంగా వేధించాడని, తనపట్ల అసభ్యంగా ప్రవర్తించాడని ఆరోపణలు తెలిపింది. అప్పట్లో ఈ లేఖ కన్నడనాట పెద్ద దుమారమే లేపింది.ప్రముఖ దివంగత నటుడు, రాజకీయ నాయకుడు అంబరీష్ నేతృత్వంలో కన్నడ ఫిల్మ్ ఛాంబర్ ఆఫ్ కామర్స్ ఈ సమస్యను పరిష్కరించడానికి ప్రయత్నించినప్పటికీ, శృతి నటుడిపై పోలీసులకు ఫిర్యాదు చేసింది. 2018లో శృతి హరిహరన్ తనపై రూ. 5 కోట్ల పరువు నష్టం కేసు పెట్టిందన్న ఆరోపణలను నటుడు అర్జున్ సర్జా పూర్తిగా తోసిపుచ్చారు. ఈ కేసులో ఆమెపై సైబర్ క్రైమ్ పోలీసులకు ఎఫ్ఐఆర్ నమోదైంది.
ఈ కేసుపై విచారణ చేపట్టిన బెంగళూరులోని కబ్బన్‌పార్క్‌ పోలీసులు సాక్ష్యాధారాలు లేకపోవడంతో కోర్టులో బీ-రిపోర్ట్‌ దాఖలు చేశారు. ఈ రిపోర్టును సవాల్ చేసింది శృతి. కోర్టు కేసును మూసివేయడంపై తీవ్ర అభ్యంతరం వ్యక్తం చేసింది. తాజాగా కోర్టు ఆమె చేస్తున్న ఆరోపణలపై సాక్ష్యాధారాలు అందించాలని కోరింది.