Narakasura trailer: ట్రైలర్‌తో అంచనాలు పెంచేసిన 'నరకాసుర'
పలాస ఫేమ్ రక్షిత్ అట్లూరి హీరోగా నటిస్తున్న “నరకాసుర(Narakasura)” రిలీజ్ కి రెడీ అయింది. అపర్ణ జనార్థన్, సంకీర్తన విపిన్ హీరోయిన్స్ గా కనిపించబోతున్న ఈ సినిమాను సుముఖ క్రియేషన్స్, ఐడియల్ ఫిలిం మేకర్స్ బ్యానర్స్ లో డాక్టర్ అజ్జ శ్రీనివాస్ నిర్మిస్తున్నారు. తాజాగా ఈ సినిమా నుంచి ట్రైలర్ ను రిలీజ్ చేశారు. యాక్షన్ ... ఎమోషన్ ప్రధానమైన సన్నివేశాలపై ఈ ట్రైలర్ ను కట్ చేశారు.
'నువ్వు నిర్మించుకున్న ఈ ప్రపంచంలో అంతా నీ వాళ్లే. బయట ప్రపంచానికి మాత్రం నువ్వు అనాథవే. కొన్ని సార్లు దేవుళ్లు కూడా రాక్షసులుగా మారాల్సి వస్తుంది' అనే డైలాగ్స్ సినిమాపై ఆసక్తిని పెంచుతున్నాయి. ప్రధానమైన పాత్రలను కవర్ చేస్తూ కట్ చేసిన ట్రైలర్ ఆసక్తిని పెంచుతోంది. అడవికి సమీపంలోని ఒక విలేజ్ నేపథ్యంలో ఈ కథ నడవనున్నట్టుగా ట్రైలర్ ను బట్టి తెలుస్తోంది.
‘నరకాసుర’.. మీ ఆలోచనలే మీ శత్రువులు.. అనే ట్యాగ్‌లైన్‌తో వస్తున్న ఈ చిత్రానికి సెబాస్టియన్‌ దర్శకత్వం వహిస్తున్నాడు. ఈ సినిమా వచ్చే నెల(నవంబర్) 3 న ఉషా పిక్చర్స్ ద్వారా థియేటర్స్ లో గ్రాండ్ గా రిలీజ్ చేయనున్నారు. రక్షిత్ అండ్ మేకర్స్ టీం ఇప్పటికే లాంఛ్ చేసిన నరకాసుర టీజర్‌కు మంచి స్పందన వస్తోంది.ఈ చిత్రానికి Nawfal Raja Ais సంగీతం అందిస్తున్నారు.హై ఆక్టేన్ యాక్షన్ థ్రిల్లర్‌గా తెరకెక్కుతున్న ఈ చిత్రంలో నాజర్‌, శత్రు, శ్రీమాన్‌ ఇతర నటీనటులు కీలక పాత్రలు పోషిస్తున్నారు. ఇంటెన్సివ్‌గా, సస్పెన్స్ ఎలిమెంట్స్‌తో సాగే స్టోరీతో సినిమా ఉండబోతున్నట్టు ట్రైలర్ తో క్లారిటీ ఇచ్చేశాడు డైరెక్టర్‌.