మాదాపూర్ డ్రగ్స్ కేసులో కీలక పరిణామం చోటుచేసుకుంది. ఈ కేసులో ఆరోపణలు ఎదర్కొంటున్న నటుడు నవదీప్కు నార్కోటిక్స్ బ్యూరో నోటీసులు ఇచ్చింది. 41A కింద నోటీసులు ఇచ్చిన అధికారులు.. ఈ నెల 23న విచారణకు రావాలని ఆదేశించారు. ఈ కేసులో హీరో నవదీప్ను అధికారులు డ్రగ్‌ కన్జ్యూమర్గా గుర్తించారు. ఈ కేసులో అరెస్టైనా రాంచందర్ అనే వ్యక్తి తో నవదీప్ కు సంబంధం ఉన్నట్లు పోలీసులు గుర్తించారు. వాట్సాప్‌ చాటింగ్‌తో పాటు.. కాల్‌ డేటాను సేకరించారు. వీటి ఆధారంగా నవదీప్ను అధికారులు ప్రశ్నించనున్నారు.
బుధవారం నవదీప్ బెయిల్ పిటిషన్ను హైకోర్టు కొట్టేసింది. నవదీప్కు బెయిల్ ఇవ్వొద్దన్న నార్కొటిక్ పోలీసుల వాదనతో ఏకీభవించిన కోర్టు.. 41A కింద నోటీసులు ఇవ్వాలని పోలీసులకు సూచించింది. విచారణకు హాజరుకావాలని నవదీప్కు కోర్టు స్పష్టం చేసింది. ఈ క్రమంలోనే అధికారులు ఆయనకు నోటీసులు ఇచ్చారు. కాగా, మాదాపూర్ డ్రగ్స్ కేసులో నవదీప్ను పోలీసులు ఏ29గా చేర్చారు.