బాలీవుడ్ బాద్ షా షారుక్ ఖాన్ నటించిన లేటెస్ట్ మూవీ జవాన్ గురువారం విడుదలైంది. ఈ మూవీ విడుదలైనప్పటి నుంచి సూపర్ హిట్ టాక్తో సెన్సేషన్ క్రియేట్ చేసింది. సౌత్ సినిమాల దూకుడుకి బాలీవుడ్ ఇండస్ట్రీ పని అయిపోయిందిలే అనుకుంటున్న తరుణంలో పఠాన్ సినిమాతో బాక్సాఫీస్ రికార్డులన్నిషారుఖ్ తిరగరాశారు . ఏకంగా 1000 కోట్ల కలెక్షన్లు రాబట్టారు . పఠాన్ సినిమా ఒకరకంగా బాలీవుడ్కి ప్రాణం పోసింది. ఇప్పుడు మరోసారి జవాన్ ద్వారా బాద్ షా తన సత్తాను చూపించాడు. రెండు రోజుల్లోనే ప్రపంచవ్యాప్తంగా 200 కోట్లు వసూలు చేసింది ఈ మూవీ. గత రికార్డులన్ని బ్రేక్ చేస్తుంది. ఈ సినిమా కనుక ఇదే ఫామ్ కొనసాగిస్తే.. పఠాన్లానే 1000 కోట్ల క్లబ్లో చేరే అవకాశాలు దండిగా కనిపిస్తున్నాయి. అయితే ఈ సినిమా గురించి ఇప్పుడు ఓ ఆసక్తికర వార్త వైరల్ అవుతుంది. అది టాలీవుడ్ ఐకాన్ స్టార్ అల్లు అర్జున్కి సంబంధించినది కావడంతో నెట్టింట్లో తెగ వైరల్ అవుతోంది.
ఇంతకీ విషయం ఏంటంటే.. జవాన్ సినిమాలో ఓ పాత్ర కోసం అల్లు అర్జున్ని అప్పట్లో మేకర్స్ అడిగారని వార్తలు వచ్చాయి. సినిమా చివరిలో వచ్చే సంజయ్ దత్ పాత్ర కోసం దర్శకుడు అట్లీ మొదట తమిళ హీరో విజయ్ని సంప్రదించాడు, ఆయన నో చెప్పడంతో తర్వాత టాలీవుడ్ స్టార్ అల్లు అర్జున్ని అడిగారని టాక్ . అయితే ఆ పాత్రకు వీరిద్దరూ ఒప్పుకోకపోవడంతో చివరకు సంజయ్ దత్ను ఎన్నుకున్నాడు అట్లీ. అయితే ఇప్పుడు సినిమా సూపర్ హిట్ కావడంతో అల్లు అర్జున్ ఆ క్యారెక్టర్ చేసి ఉంటే బాగుండేది అన్న కామెంట్స్ వినిపిస్తున్నాయి.. అయితే బన్నీ చేయడం వలన సినిమాకు సౌత్లో ప్లస్ అయ్యేదేమో కానీ..బన్నికి పెద్దగా కలిసొచ్చేదేమీ ఉండేది మరికొంతమంది అంటున్నారు .
ఈ మూవీలో లుంగీ కట్టుకుని జైలుకు వచ్చి షారుఖ్ని పట్టుకునే ఆఫీసర్ పాత్రలో అల్లు కనిపించేవాడు. అయితే సినిమాలో సంజయ్ దత్ ఆ క్యారెక్టర్లో పెద్దగా ఆకట్టుకోలేకపోయారని టాక్ . బన్నీచేసినా అంతకు మించి ఉండేది కాదని... కాబట్టి బన్ని ఈ సినిమా చేయకపోవటమే మంచిదని అంటున్నారు. ఇక ‘జవాన్’ చిత్రంలో నయనతార హీరోయిన్ గా నటించింది. ఈ సినిమాతో నయన్ బాలీవుడ్లోకి అడుగు పెట్టింది. అలాగే జవాన్ సినిమాతో దర్శకుడు అట్లీ సైతం బాలీవుడ్లోకి ఎంట్రీ ఇచ్చాడు . ఈ చిత్రంలో విజయ్ సేతుపతి, ప్రియమణి కీలక పాత్రలు పోషించారు. దీపికా పదుకొణె కూడా ఓ పాత్రలో మెరిసింది. జవాన్ మూవీ హిందీ, తమిళం, తెలుగు, మలయాళం, కన్నడ భాషల్లో పాన్ ఇండియా స్థాయిలో విడుదల అయ్యింది. ఇదిలా ఉంటే ఇక అట్లీ తన నెక్స్ట్ ప్రాజెక్ట్ను బన్నీతో చేయబోతున్నాడు . అల్లు అర్జున్కు పాన్ ఇండియా హీరోగా గుర్తింపు ఉంది .ఈ నేపథ్యంలో అట్లీ బన్నీ పాన్ ఇండియా ఇమేజ్ను మరింత పెంచేలా సినిమా తీయబోతున్నట్లు తెలుస్తోంది. ఇప్పటికే బన్నీకి కథ కూడా చెప్పాడని టాక్ . త్వరలోనే ఈ సినిమాకు సంబంధించిన అధికారిక ప్రకటన రానుంది.