పాన్ ఇండియా స్టార్ డార్లింగ్ ప్రభాస్ గురించి మరో ఇంట్రెస్టింగ్ న్యూస్ నెట్టింట్లో వైరల్ అవుతోంది. ఇప్పటి వరకు తన లుక్స్తో అమ్మాయిల మనసు దోచేసిన డార్లింగ్ తాజాగా వృద్ధావతారంలో కనిపించేందుకు రెడీ అవుతున్నాడు. టాలీవుడ్లో వినోదాత్మక చిత్రాలను అందించే డైరెక్టర్ మారుతీ రూపొందించే నయా మూవీలో ప్రభాస్ సీనియర్ సిటిజన్గా దర్శనమివ్వబోతున్నాడట. ఇప్పుడు ఇదే న్యూస్ నెట్టింట్లో ఓ రేంజ్లో రచ్చ రచ్చ అవుతోంది.
డైరెక్టర్ మారుతికి ఇండస్ట్రీలో ఎంటర్టైన్మెంట్తో పాటు చక్కటి ఎమోషన్స్‌ను పండించే సినిమాలను అందిస్తారనే మార్క్ ఉంది. మరీ ముఖ్యంగా హీరోల క్యారెక్టర్ల విషయంలో
ఏదో ఒక బలహీనతను ఆపాదించి వినోదాత్మకమైన కథను నడిపిస్తారన్నపేరు ఉంది. ప్రస్తుతం మారుతీ ప్రభాస్‌తో ఓ సినిమాను తెరకెక్కించబోతున్నారు. హారర్‌ కామెడీ కథతో తెలుగు ప్రేక్షకులను అలరించేందుకు రెడీ అవుతున్నారు. ఈ మూవీలో ప్రభాస్ పాత్ర కూడా ఎంతో వినోదాత్మకంగా సాగుతుందని సమాచారం. ప్రభాస్ ఇమేజ్‌కు తగ్గట్లుగా పోరాట ఘట్టాలను ప్లాన్ చేశారట మారుతి.
లేటెస్టుగా ఈ మూవీకి సంబంధించి ఓ ఇంట్రెస్టింగ్ వార్త నెట్టింట్లో వైరల్ అవుతోంది. ప్రభాస్ మారుతి సినిమాలో డ్యుయల్ రోల్ పోషిస్తున్నాడని టాక్ వినిస్తోంది. ఇక ఫ్లాష్‌బ్యాక్‌ ఎపిసోడ్‌లో డార్లింగ్ వృద్ధుడిగా కనిపిస్తాడని సమాచారం. ఈ సీక్వెన్స్‌ మాత్రం ఫుల్లెన్త్ ఎంటర్టైన్మెంట్ అందిస్తుందని టాక్ . ప్రేక్షకులును కడుపుబ్బా నవ్విస్తుందని చెబుతున్నారు. అయితే ఈ మూవీకి టైటిల్ను మారుతీ ఫైనల్ చేయలేదు. ‘రాజా డీలక్స్‌’ ‘రాయల్‌’ ‘అంబాసిడర్‌’ అనే పేర్లు పరిశీలనలో ఉన్నాయి. ప్రస్తుతం ఈ సినిమా షూటింగ్ జరుగుతుతోందని తెలిసింది. ఇదిలా ఉంటే ప్రభాస్ నటించిన ‘సలార్‌’ మూవీ దీపావళి నాటికి ప్రేక్షకుల ముందుకురానున్నట్లు సమాచారం.