Sandeep Reddy Vanga : సందీప్ తో ప్రభాస్.. కండీషన్స్ అప్లై

డార్లింగ్ స్టార్ ప్రభాస్ లైనప్ స్ట్రాంగ్ గా ఉంది. వరుస ప్రాజెక్ట్స్ తో కెరీర్ ఎప్పుడూ లేనంత దూకుడుగా ఉన్నాడు. కాకపోతే బాహుబలి తర్వాత ఆ రేంజ్ లో సాలిడ్ హిట్ అంటూ ఇప్పటి వరకూ పడలేదు. ఇదే ఫ్యాన్స్ లోనూ పెద్ద లోటుగా కనిపిస్తోంది. ముఖ్యంగా చివరగా చేసిన ఆదిపురుష్ విషయంలో అభిమానులతో పాటు ప్రభాస్ కూడా చాలా ఫీలయ్యాడు. ఇలాంటి సినిమాను టచ్ చేయకుండా ఉంటేనే బావుంటుందని అంతా అనుకున్నారు. బట్ అయిందేదో అయిందికదా.. అందుకే ఇక ప్రశాంత్ నీల్ తో చేస్తోన్న సలార్ పైనే ఫోకస్ అంతా పెట్టారు. ఈ మూవీని డిసెంబర్ 22న విడుదల చేయబోతున్నారు. కొన్నాళ్ల క్రితం మోకాలికి ఆపరేషన్ చేయించుకునేందుకు అబ్రాడ్ వెళ్లిన ప్రభాస్ తిరిగి వచ్చాడు. ప్రస్తుతం విశ్రాంతి తీసుకుంటున్నాడు. తర్వాత వరుసగా కల్కి 2898ఏడి, మారుతి దర్శకత్వంలో సినిమాలున్నాయి. వీటితో పాటు గతంలోనే ఒప్పుకున్న సందీప్ రెడ్డి వంగా దర్శకత్వంలో స్పిరిట్ అనే సినిమా ఉంది. ఈ మూవీ కూడా ఉంటుంది. అయితే కొన్ని కండీషన్స్ ఉన్నాయని టాక్.

ఇప్పటి వరకూ సందీప్ రెడ్డి వంగా .. ప్రభాస్ కు పూర్తి కథను వినిపించలేదు. కేవలం లైన్ మాత్రమే చెప్పాడు. అయితే సందీప్ వద్ద ఒక వెర్షన్ లోబౌండెడ్ స్క్రిప్ట్ ఉందట. ఆ కథలో కొన్ని మార్పులు అవసరం ఉన్నాయట. డిసెంబర్ 1న అతని కొత్త సినిమా యానిమల్ విడుదల కాబోతోంది. రణ్ బీర్ కపూర్, రష్మిక మందన్నా జంటగా నటించిన ఈ మూవీపై భారీ అంచనాలున్నాయి. ఒకవేళ ఈ మూవీ రిజల్ట్ తేడా కొట్టినా ప్రభాస్ మాత్రం అతనికి ఛాన్స్ ఇవ్వడానికే నిర్ణయించుకున్నాడు. కాకపోతే 2024 సమ్మర్ లో .. ఖచ్చితంగా చెబితే ఏప్రిల్ వరకూ తనకు నచ్చేలా పూర్తి స్క్రిప్ట్ తో వస్తేనే డేట్స్ ఇస్తానని కండీషన్ పెట్టాడట. ఆ మేరకు యానిమల్ విడుదల తర్వాత సందీప్ కూడా కథలో ఏం మార్పులు అవసరం ఉంటాయి అనేది చూసుకుని.. ఆ తర్వాత పూర్తి కథ వినిపించడానికి రెడీ అవుతాడు. సో.. యానిమల్ రిజల్ట్ తేడా వచ్చినా ఫర్వాలేదు కానీ.. తనకు చెప్పే స్పిరిట్ కథలో మాత్రం తేడాలు ఉండకూడదు. అదీ కండీషన్. అయితే సందీప్ కాన్ఫిడెన్స్ చూస్తోంటే యానిమిల్ కూడా బ్లాక్ బస్టర్ అయ్యేలానే ఉంది. అలాగే ప్రభాస్ కూ నచ్చేలా స్పిరిట్ కథ కూడా మాంచి కిక్ ఇచ్చేలా ఉంటుందేమో చూద్దాం.