Rajamouli - Mahesh Babu Combo Movie : రాజమౌళి - మహేష్ సినిమాకు ముహూర్తం ఫిక్స్

ప్రపంచ వేదికపై తెలుగు సినిమా జెండాను సగర్వంగా ఎగరేశాడు రాజమౌళి. అపజయమే లేకుండా ఆకాశమే హద్దుగా దూసుకుపోతున్నాడు జక్కన్న. అయితే తెలుగు ఇండస్ట్రీ నుంచి రాజమౌళి - మహేష్ బాబు కాంబినేషన్ లో సినిమా అనే ఒక లోటు మాత్రం మిగిలిపోయింది. దాన్ని భర్తీ చేస్తూ ఈ కాంబోలో సినిమా సెట్ అయింది. పైగా ఇప్పుడు రాజమౌళి వాల్డ్ ఫేమస్ డైరెక్టర్. దీంతో ఆటోమేటిక్ గా ఆ ఫేమ్ మహేష్ కూ ఓవర్ నైట్ వచ్చేస్తుంది. అందుకే ఫ్యాన్స్ ఈ కాంబోలో సినిమా ఎప్పుడెప్పుడు స్టార్ట్ అవుతుందా ఈగర్ గా చూస్తున్నారు. వారి కోసమే ఈ అప్డేట్.

ఒక టాప్ డైరెక్టర్ తో మరో టాప్ హీరో సినిమా చేస్తే అంచనాలు భారీగా ఉంటాయి. ఆ ఎక్స్ పెక్టేషన్స్ రీచ్ కావడానికి మేకర్స్ పై ఓ ఒత్తిడి ఉంటుంది. కానీ రాజమౌళి లాంటి దర్శకులకు అది కనిపించదు. కనిపించినా.. వాళ్లు ఎక్స్ ప్రెస్ చేయరు. మహేష్ తో సినిమా ఉంటుందని చాలా కాలంగా చెబుతూ వస్తున్నాడు రాజమౌళి. చాలామంది బాహుబలి తర్వాత ఉంటుందనుకున్నారు. కానీ మధ్యలో ఆర్ఆర్ఆర్ చేశాడు రాజమౌళి. ఇందుకోసం చాలా టైమే పట్టింది. ఫైనల్ గా మహేష్ తో మూవీకి ముహూర్తం సెట్ అయింది. ఈ సినిమా హాలీవుడ్ రేంజ్ టేకింగ్ తో ఉంటుందని.. అమెజాన్ అడవుల్లో సాగే అడ్వెంరస్ థ్రిల్లర్ గా ఈ చిత్రం ఉంటుందని రచయిత విజయేంద్ర ప్రసాద్ గతంలోనే చాలా ఇంటర్వ్యూస్ లో చెప్పాడు. అలాగే మహేష్ సరసన ముగ్గురు హీరోయిన్లు ఉంటారట. ఆ ముగ్గురూ వేర్వేరు దేశాల నుంచి ఉంటారని టాక్. ఓ రకంగా ఇది రాజమౌళి స్టైల్లో సాగే ఇండియన్ జేమ్స్ బాండ్ తరహాలో సాగ సినిమా అంటున్నారు. ప్రస్తుతం మహేష్ బాబు గుంటూరుకారం మూవీతో బీజీగా ఉన్నాడు. ఈ మూవీ జనవరి వరకూ పూర్తయిపోతుంది. సంక్రాంతికి విడుదలవుతుంది. రాజమౌళి కూడా జనవరిలోనే ప్రీ ప్రొడక్షన్ స్టార్ట్ చేస్తాడట. ఫిబ్రవరి నుంచి మార్చి వరకూ మహేష్ బాబు కొన్ని యాక్షన్ సీక్వెన్స్ కోసం మార్షల్ ఆర్ట్స్ లో ట్రెయినింగ్ తీసుకుంటాడట. ఆ తర్వాత సినిమా పూర్తి స్థాయిలో ఏప్రిల్ నెల నుంచి షూటింగ్ స్టార్ట్ అవుతుంది. ఏవైనా అనూహ్య సంఘటనలు జరిగితే తప్ప.. ఈ ప్లానింగ్ లో మార్పు ఉండదు అంటున్నారు. సో.. రాజమౌళి - మహేష్ కాంబోలో రూపొందే సినిమా 2024 ఏప్రిల్ నుంచి షూటింగ్ స్టార్ట్ కాబోతోందన్నమాట.