Rakhi Sawant : ఆదిల్‌తో పెళ్లి.. ఇదిగో ప్రూఫ్ అంటున్న బిగ్ బాస్ బ్యూటీ
బాలీవుడ్ నటి, బిగ్ బాస్ కంటెస్టెంట్ రాఖీ సావంత్.. సోషల్ మీడియా వేదికగా మరోసారి తన మాజీ భర్త ఆదిల్ దుర్రానిపై మండిపడింది. అసలు తనతో పెళ్లే జరగలేదంటూ.. మీడియా ముందు అబద్ధాలు చెప్పిన ఆదిల్‌కు దిమ్మతిరిగేలా.. ఇదిగో సాక్ష్యాలంటూ అందుకు సంబంధించిన ఫోటోలను ఇన్‌స్టాలో షేర్ చేసింది. ఫోటోలు, వీడియోస్‌తో ఓ పోస్ట్ కూడా జత చేసింది. ఆదిల్ దుర్రాని ముస్లిం కాదని బయట చెప్పుకుంటున్నాడు. నన్ను వివాహం చేసుకోలేదని అబద్దం ఆడుతున్నాడు. అతడు ముస్లిం కాకపోతే నన్ను ముస్లిం సాంప్రదాయ పద్దతిలో ఎలా వివాహం చేసుకున్నాడని ఆమె ఆధారాలు బయటపెట్టింది.
రాఖీ సావంత్ షేర్ చేసిన వీడియోలో... ఓ ముస్లిం పెద్ద స్వయంగా వీరి వివాహం జరిపించినట్లు... సంతకాలు, వేలి ముద్రలు తీసుకుని పెళ్లి కార్యక్రమం ముగించినట్లు ఉంది. ఆ వీడియోతో పాటు ఉర్దూలో రాసి ఉన్న మ్యారేజ్ సర్టిఫికెట్ ని కూడా రాఖీ ఇన్ స్టా లో షేర్ చేసింది. ఆ మ్యారేజ్ సర్టిఫికెట్ లో రాఖీ సావంత్ పేరు ఫాతిమాగా ఉంది. ఆదిల్ దుర్రాని నన్ను వివాహం చేసుకున్నాడని చెప్పేందుకు ఇంతకంటే ఆధారాలేం కావాలని రాఖీ సావంత్ చెబుతోంది. ఆదిల్ దుర్రాని తనతో చేసిన ఇంస్టాగ్రామ్ ప్రైవేట్ చాట్ సైతం ఆమె బయటపెట్టింది. ఆ చాట్ లో బిగ్ బాస్ లేదా లాక్ అప్ షోలకు వెళ్లేందుకు హెల్ప్ చేయమని ఆదిల్ దుర్రాని రాఖీ సావంత్ ని రిక్వెస్ట్ చేసినట్లు.. దానికి రాఖీ ఓకే చెప్పినట్లు ఉంది.
అయితే ఫేమస్ కావడానికి తనను వాడుకున్న ఆదిల్ దుర్రాని... ఆ తర్వాత మోసం చేశాడని రాఖీ సావంత్ ఆరోపిస్తున్నది. గతంలో కూడా మీడియా ముందు ఆదిల్ దుర్రానిపై ఆమె తీవ్ర ఆరోపణలు చేశారు. మరో మహిళతో అక్రమ సంబంధం పెట్టుకున్నాడని, తన న్యూడ్ వీడియోలను బేరానికి పెట్టాడని ఇలా ఆరోపణలు చేసింది. మరోవైపు జైలు నుండి బయటకు వచ్చిన ఆదిల్.. డబ్బులు కోసమే ఆమె ఇదంతా చేస్తున్నదని చెబుతున్నాడు.