ది బెస్ట్ సస్పెన్స్, క్రైమ్ థ్రిల్లర్ కు అసలైన అర్థంలా నిలిచే సినిమాలు అరుదుగా వస్తాయి. అలాంటిదే రాక్షసుడు సినిమా. తమిళ్ బ్లాక్ బస్టర్ మూవీ రాచ్చసన్ ను తెలుగులో రాక్షసుడుగా రీమేక్ చేసి ఇక్కడా బిగ్గెస్ట్ హిట్ అందుకున్నాడు హీరో బెల్లంకొండ సాయి శ్రీనివాస్. అతని కెరీర్ లోనే ఫస్ట్ బిగ్ హిట్ ఇదే కావడం విశేషం. రమేష్ వర్మ రీమేక్ చేసిన ఈ మూవీ ఆద్యంతం ఆకట్టుకుంటుంది. అద్భుతమైన ట్విస్ట్ లు, విలన్ ఎవరనేది చివరి వరకూ తెలియకపోవడం.. ఆ విలన్ సైకోగా మారడానికి కారణమైన నేపథ్యం అన్నీ అద్భుతం అనిపించుకున్నాయి. గొప్ప సస్పెన్స్ ను మెయిన్టేన్ చేస్తూ సిసలైన సీట్ ఎడ్జ్ థ్రిల్లర్ అనిపించారు. ఈ మూవీ చూసిన ఎవరికైనా సీక్వెల్ వచ్చే అవకాశం కనిపించదు. బట్ తెలుగులో ఆ ప్రయత్నం మళ్లీ అదే దర్శకుడు, హీరో చేస్తున్నారు.
రాక్షసుడు హిట్ తో రమేష్ వర్మకు మరో సినిమా వచ్చింది. రవితేజ ఇచ్చిన ఛాన్స్ ను ఖిలాడీ రూపంలో వేస్ట్ చేసుకున్నాడు. రీసెంట్ గా బాలీవుడ్ బ్లాక్ బస్టర్ భూల్ భులాయియా2 రీమేక్ రైట్స్ ను తీసుకున్నాడు. ఈ మూవీలో నటించేందుకు టైర్ టూ హీరోలెవరూ ఇంట్రెస్ట్ చూపించలేదు. దీంతో తను ఎప్పటి నుంచో అనుకుంటోన్న రాక్షసుడు సీక్వెల్ పూర్తి చేశాడు. బెల్లంకొండ శ్రీనివాస్ కే వినిపిస్తే అతను ఎస్ అన్నాడు. కట్ చేస్తే త్వరలోనే ఈ ప్రాజెక్ట్ పట్టాలెక్కబోతోంది. వేగంగా చిత్రీకరణ పూర్తి చేసి 2024 సమ్మర్ లోపలే విడుదల చేసేలా ప్లాన్ చేస్తున్నారట. సో రాక్షసుడు2 కూడా ఫస్ట్ పార్ట్ లాగా సీట్ ఎడ్జ్ థ్రిల్లర్ అనిపించుకుంటుందా లేదా అనేది చూడాలి.