నేషనల్ క్రష్ రష్మిక మంధాన గురించి సోషల్ మీడియాలో ఓ వార్త వైరల్ అవుతోంది. ఆమె వద్ద పనిచేసే మేనేజర్.. మోసం చేసినట్లుగా తెలుస్తోంది. ఆమెకు తెలియకుండా దాదాపు రూ.80 లక్షలను దొంగిలించినట్లుగా వార్తలు వినిపిస్తున్నాయి. ఈ విషయాన్ని గ్రహించిన రష్మిక వెంటనే.. ఆ మేనేజర్‌ను ఉద్యోగం నుంచి తొలగించినట్లు తెలుస్తోంది. అతను చాలా కాలంగా రష్మిక వద్ద పనిచేస్తున్నాడని.. వీరిద్దరి మధ్య మంచి సన్నిహిత అనుబంధం కలిగి ఉన్నట్లు సమాచారం. అయితే ఈ వార్తలపై రష్మిక ఇప్పటికీ మౌనంగానే ఉంది.
ఇక కిరిక్ పార్టీ అనే కన్నడ సినిమాతో హీరోయిన్ గా ఎంట్రీ ఇచ్చిన ఈ బ్యూటీ.. అతి తక్కువ సమయంలోనే స్టార్ హీరోయిన్ గా మారింది. ‘పుష్ప’ సినిమాతో ఈ బ్యూటీ పాన్‌ ఇండియా స్థాయిలో గుర్తింపు తెచ్చుకుంది. ఇప్పటి వరకు గ్లామర్‌ పాత్రలతో ఫిదా చేస్తూ.. తనకంటూ ప్రత్యేకమైన ఫ్యాన్‌ బేస్‌ను క్రియేట్‌ చేసుకుంది పుష్ప సినిమాతోనే. ఈ సినిమాతో బాలీవుడ్ ఇండస్ట్రీలోనూ ఆఫర్స్ వస్తున్నాయి. ప్రస్తుతం యానిమల్ చిత్రీకరణలో బిజీగా ఉంది రష్మిక. డైరెక్టర్ సందీప్ రెడ్డి వంగా తెరకెక్కిస్తున్న ఈసినిమాలో రణబీర్ కపూర్ హీరోగా నటిస్తున్నారు. మరోవైపు పుష్ప 2 షూటింగ్ కూడా శరవేగంగా జరుగుతోంది. ఇందులో ఫహద్ ఫాజిల్, సునీల్, అనసూయ కీలకపాత్రలలో నటిస్తున్నారు. ఇవే కాకుండా తెలుగులో రష్మిక లేడీ ఓరియెంటెడ్ చిత్రంలోనూ నటిస్తుంది.