మెగా పవర్ స్టార్ రామ్ చరణ్ పై ప్రస్తుతం సౌత్ లోనే పెద్ద రూమర్ వినిపిస్తోంది. అతనిప్పుడు షూటింగ్ లేం చేయడం లేదు. అంటే సినిమాలు లేక కాదు.. ఉన్నవి సరిగా షెడ్యూల్ కాకపోవడం వల్ల. రెండేళ్ల క్రితం మొదలైన గేమ్ ఛేంజర్ మూవీ ఆట సరగా సాగడం లేదు. ఈ మూవీ ఎప్పుడు పూర్తవుతుందీ అనేది దర్శకుడు శంకర్ కు కూడా క్లారిటీ లేదు. ఇప్పటికైతే వచ్చే సమ్మర్ రిలీజ్ అనుకుంటున్నారు. కానీ అది సాధ్యమయ్యేలా లేదు అనేది ఇన్ సైడ్ సోర్స్ నుంచి వినిపిస్తోన్న మాట. మరోవైపు బుచ్చిబాబు డైరెక్షన్ లో రూపొందే సినిమా ప్రీ ప్రొడక్షన్ స్టార్ట్ అయిందన్నారు. బట్ అలాంటి అప్డేట్స్ ఏం కనిపించడం లేదు. మరోవైపు బాలీవుడ్ మోస్ట్ టాలెంటెడ్ స్టార్ డైరెక్టర్ రాజ్ కుమార్ హిరాణీతో సినిమా చేయబోతున్నాడు అనే వార్తలూ వస్తున్నాయి. బట్ ఇవి రూమర్స్ గానే ఉన్నాయి తప్ప అఫీషియల్ గా ఎవరూ కన్ఫార్మ్ చేయలేదు. ఆ ప్రకటన వచ్చే వరకూ దీన్ని కూడా రూమర్ గానే చూడాలి.అసలే కమిట్ అయిన గేమ్ ఛేంజర్ షూటింగ్ అప్డేట్ లేక అసహనంగా ఉన్న రామ్ చరణ్ గురించి తాజాగా మరో పెద్ద రూమర్ హల్చల్ చేస్తోంది.
రామ్ చరణ్ తమిళ్ మూవీ లియోలో ఓ గెస్ట్ అప్పీరియన్స్ చేశాడు. సినిమా చివర్లో ఆయన ఎంట్రీ ఉంటుంది. ఇది విక్రమ్ సినిమాలో రోలెక్స్ రేంజ్ లో ఉంటుందనేదే చరణ్ పై వస్తోన్న కొత్త రూమర్. విజయ్ హీరోగా నటించి లియో.. ఈ నెల 19న విడుదల కాబోతోంది. దీంతో ఈ మూవీలో గెస్ట్ రోల్ చేసిన రామ్ చరణ్ కోసమైనా తెలుగులో థియేటర్స్ షేక్ అవుతాయి.. అంటూ సోషల్ మీడియాలో హల్చల్ చేస్తున్నారు కొందరు.బట్ ఈ వార్తలో ఎలాంటి నిజమూ లేదు అనేది స్పష్టంగా తెలుస్తోంది. అసలు ఈ వార్తకు ఎలాంటి బేస్ లేదు. ఈ మూవీ ట్రైలర్ తర్వాత దర్శకుడు లోకేష్ కనకరాజ్ తమిళ్ లో కొన్ని ఇంటర్వ్యూస్ కూడా ఇచ్చాడు. అక్కడ ఎక్కడా ఈ వార్త గురించి ఎవరూ ప్రస్తావించలేదు. అతనూ చెప్పలేదు. ఒకవేళ ఇదే నిజమైతే.. ప్రమోషనల్ గా చాలా వాడుకుంటారు. సో.. అలాంటిదేం కనిపించడం లేదు కాబట్టి.. లియోలో రామ్ చరణ్ అనేది పూర్తిగా బేస్ లెస్ న్యూస్..