మూవీ ఆఫ్ ది ఇయర్.. మలయాళ హీరో సినిమాపై సమంత్ పోస్ట్

సినిమాలకు కాస్త బ్రేక్ ఇచ్చిన హీరోయిన్ సమంత.. ప్రస్తుతం తనకు దొరికిన ఫ్రీ టైమ్ ను సరదాగా గడుపుతోంది. నచ్చిన ప్రాంతాలకు వెళ్తూ, నచ్చిన సినిమాలు చూస్తూ.. సోషల్ మీడియాలో అందుకు సంబంధించిన విషయాలను తన అభిమానులతో పంచుకుంటోంది. తాజాగా సమంత ఓ సినిమాను చూసి ఫిదా అయింది. మలయాళీ సినిమా కాథల్ ది కోర్ చూసి సమంత ఆ ట్రాన్స్‌లోనే ఉండి పోయింది. చూసిన వెంటనే తన ఎగ్జైట్మెంట్‌ను ఆపుకోలేక.. వెంటనే తన ఇన్ స్టా స్టోరీలో ఆ సినిమా అద్భుతం అంటూ ప్రశంసల వర్షం కురిపించింది.

మమ్ముట్టి-జ్యోతిక ప్రధాన పాత్రలో నటించిన ‘కాథల్-ది కోర్‌’ ఇటీవలే విడుదల కాగా... విమర్శకులు సైతం ఈ సినిమా బాగుందంటూ కితాబిచ్చారు. ‘ది గ్రేట్ ఇండియన్ కిచెన్’ డైరెక్టర్ జియో బేబీ దర్శకత్వంలో వచ్చిన ఈ సినిమా.. మరోసారి ఆయన టాలెంట్ ఏంటో నిరూపించిందంటూ కామెంట్లు పెడుతున్నారు. మామూలు సబ్జెక్ట్‌ను సైతం ప్రేక్షకులకు నచ్చేలా ఎక్స్‌టార్డినరీగా ఎలా తీయాలో ఆయనకు బాగా తెలుసంటూ కొనియాడుతున్నారు మరికొంతమంది. ఇక తాజాగా ఈ మూవీ చూసిన సమంత తన ఇన్ స్టా లో ‘‘కాథల్-ది కోర్‌’’ అద్భుతంగా ఉంది. ఈ ఏడాదిలో ఇదే ఉత్తమ చిత్రం. అందరూ చూడాల్సిన శక్తిమంతమైన సినిమా. మమ్ముట్టి నా హీరో. ఇందులో మీ నటన ఎప్పటికీ గుర్తుండిపోతుంది. ఈ సినిమా ఫీల్‌ నుంచి ఇంకా బయటకు రాలేకపోతున్నా. మంచి సినిమా చూస్తే మనసు ప్రశాంతంగా ఉంటుంది. లవ్యూ జ్యోతిక’’ అని పోస్ట్‌ చేశారు. దర్శకుడు జీయోబాబీని లెజెండ్‌ అంటూ ప్రశంసల వర్షం కురిపించారు.

సమంత పోస్ట్‌పై ‘కాథల్-ది కోర్‌’ నిర్మాణ సంస్థ స్పందించింది. ఆమెకు ధన్యవాదాలు చెబుతూ ఎక్స్‌లో పోస్ట్‌ పెట్టింది. ఇక నవంబర్‌ 23న ప్రేక్షకుల ముందుకు వచ్చిన ఈ సినిమాకు మంచి స్పందన వస్తోంది. విడుదలకు ముందు నుంచే ఈ చిత్రం వార్తల్లో నిలిచింది. స్థానిక పంచాయతీ ఎన్నికలలో పాల్గొనాలని నిర్ణయించుకున్న రిటైర్డ్ బ్యాంక్ మేనేజర్ మాథ్యూ (మమ్ముట్టి)ను.. అతని భార్య ఓమన(జ్యోతిక) అతను హోమోసెక్సువల్ అని విడాకులు కోరుతూ అందరికీ షాక్ ఇస్తుంది. మాథ్యూ తన గుర్తింపును ఎలా అంగీకరిస్తాడు? సమాజం అతనికి వ్యతిరేకంగా నిలబడినా ఈ యుద్ధాన్ని ఎలా అధిగమిస్తాడు? అనేదే ఈ చిత్రం. స్వలింగ సంపర్కుల పట్ల సమాజం ప్రవర్తించే తీరును ఇందులో చూపించారు.