టాలీవుడ్ సెన్సేషనల్ హీరోయిన్ గా నిన్నటి వరకూ పేరు తెచ్చుకున్నా.. వరుసగా వచ్చిన ఫ్లాపులతో షాక్ అయింది శ్రీ లీల. కొన్నాళ్ల క్రితం తన దూకుడు చూసి నెంబర్ వన్ ప్లేస్ లోకి వెళుతుందనుకున్నారు. బట్ ఎంచుకుంటోన్న కథల్లో తేడాల వల్ల రీసెంట్ గా స్కంద, ఆదికేశవ, ఎక్స్ ట్రా ఆర్డినరీ మేన్ చిత్రాలు బాక్సాఫీస్ వద్ద డిజాస్టర్ గా నిలిచాయి. పైగా ఈ మూడు సినిమాల్లోనూ శ్రీ లీల పాత్రలు నామ మాత్రం. మూడిట్లోనూ అవుట్ డేటెడ్ పాత్రలే చేసింది. ప్రస్తుతం గుంటూరు కారంపైనే తన ఆశలన్నీ ఉన్నాయి. ఈ మూవీ విషయంలో కూడా సోషల్ మీడియాలో రకరకాల వార్తలు వస్తున్నాయి. ఈ టైమ్ లో అమ్మడు సడెన్ గా సినిమాలకు గ్యాప్ అనౌన్స్ చేసింది.
చాలామంది యాక్టర్లు.. తాము డాక్టర్లు కాబోయి యాక్టర్లమయ్యాం అని చెబుతుంటారు. బట్ శ్రీ లీల యాక్టర్ అయిన తర్వాత కూడా డాక్టర్ చదువుతుంది. ప్రస్తుతం తను ఫైనల్ ఇయర్ ఎగ్జామ్స్ కు అటెండ్ కాబోతోంది. అందుకే ఒక వారం రోజుల పాటు షూటింగ్ లకు కామా పెట్టేసింది. ఈ ఎగ్జామ్స్ పూర్తయితే తనకు డాక్టర్ పట్టా అఫీషియల్ గా వచ్చేస్తుంది. విశేషం ఏంటంటే.. సినిమాలు, షూటింగ్స్ తో ఇంత బిజీగా ఉన్నా కూడా తను ఇప్పటి వరకూ అటెండ్ అయిన అన్నీ పరీక్షల్లోనూ పాస్ మార్క్ లే తెచ్చుకుంది. అంటే తన డెడికేషన్ ఎలా ఉందో అర్థం చేసుకోవచ్చు. సో.. ఈ ఫైనల్స్ కూడా పాస్ అయితే.. ఇకపై టైటిల్స్ లో తన పేరు డాక్టర్ శ్రీ లీల అని వేసుకోవచ్చేమో..